दशैँमा घरजान असोज ११ देखि सवारीसाधनको अग्रिम टिकट बुकिङ खुल्ने

3 वर्ष अगाडि | समदृष्टि अनलाइन

काठमाडौं उपत्यकाबाट बाहिरिनेहरुका लागि यही असोज ११ गते देखि सवारीसाधनको अग्रिम टिकट बुकिङ खुल्ने भएको छ ।

यातायात व्यवस्था विभागले बिहीवार यातायात व्यवसायी, उपभोक्ता अधिकारकर्मी र ट्राफिक प्रहरीसँगको छलफलपछि असोज ११ गतेदेखि लामो दूरी चल्ने सवारीसाधनको अग्रिम टिकट बुकिङ खुलाउने निर्णय गरेको हो । नेपाल यातायात व्यवसायी राष्ट्रिय महासंघका महासचिव सरोज सिटौलाले सडकका कारण समयमा गाडी आउन नसके आफूहरु जवाफदेही नहुने पनि स्पष्ट पारे ।

यसअघि वर्षाका कारण सडकमा धेरै क्षति पुगेको र सवारी साधन सञ्चालन गर्न समस्या रहेको बताउँदै यातायात व्यवसायीले सडक मर्मत गरेर मात्र दशैँको अग्रिम टिकट खोल्नुपर्ने बताउदै आएका थिए । महासंघका महासचिब सिटौलाले नागरिक साहायत कक्षहरु राजधानीका बसपार्क लगायतका सातै प्रदेश र सबै जिल्लामा राख्न छलफल भएको जानकारी दिए ।