ईन्डियन प्रिमियर लिग क्रिकेट आईपीएल टी–ट्वान्टी क्रिकेटमा चेन्नई सुपर किङ्सले रोयल च्यालेन्जर्स बैंगलोरलाई हराएको छ ।

संयुक्त अरब इमिरेट्स युएइको शारजाहमा शुक्रबार राति भएको खेलमा चेन्नईले बैंगलोरलाई ६ विकेटले हराएको हो ।बैंगलोरले दिएको १ सय ५७ रनको लक्ष्य चेन्नईले १८ ओभर १ बलमा ४ विकेट गुमाएर पूरा गरेको हो । चेन्नईको जितमा रुतुराज गायकवाडले ३८ अम्बाती रायाडुले ३२ फाप डु प्लेसिसले ३१ र मोइन अलीले २३ रन बनाए ।बैंगलोरका हर्सल पटेलले २ विकेट लिए ।

युजभेन्द्र चहल र ग्लेन म्याक्सवेलले १-१ विकेट लिए । यो खेलमा पहिले ब्याटिङ गरेको बैंगलोरले २० ओभरमा ६ विकेट गुमाएर १ सय ५६ रन बनायो । बैंगलोरका लागि देवदत्त पडिकलले ७७र कप्तान विराट कोहलीले ५३ रन बनाए चेन्नईका ड्वाइन ब्राभोले ३ शार्दुल ठाकुरले २ तथा दिपक चाहरले १ विकेट लिए ।जितसँगै चेन्नईले ९ खेलमा १४ अंक जोडेर चेन्नई शीर्ष स्थानमा उक्लिएको छ । बैंगलोर ९ खेलमा १० अंक जोडेर तेस्रो स्थानमा छ । आज दिल्ली र राजस्थान तथा हैदरावाद र पञ्जाबबीच खेल हुने छ ।