असोज १९
दोलखा सदरमुकाम चरिकोटमा सञ्चालित मासु पसलहरुमा सडेको मासु बिक्री गरिएको पाइएको छ । जिल्ला प्रशासन कार्यालय दोलखा,भीमेश्वर नगरपालिकाकाबाट खटिएको बजार अनुगमन टोलीले चरिकोटमा सञ्चालित मासु पसलको अनुगमन गर्ने क्रममा ३० केजी खान अयोग्य मासु भेटिएको हो ।
अनुगमन टोलीले चरिकोटमा रहेको श्रेष्ठ दाजु भाई मासु पसलबाट २०केसी सडेको कुखुराको मासु बरामत गरेको भीमेश्वर नगरपालिकाका प्रशासकीय अधिकृत माधवप्रसाद सुवेदीले जानकारी दिनुभयो ।
उहाँका अनुसार चरिकोटमानै सञ्चालनमा रहेको रमेश कोल्ड स्टोरबाट राँगाको सडेको मासु र किस्मत मासु पसलबाट खसीको सडेका मासु बरामद गरेको हो ।नियम विपरित काम गर्ने व्यवसायी प्रति मासु पसल १हजारका रुपैयाँकादरले जरिवाना तिराएको छ। अनुगमनमा पसल दर्ता गर्न दिएको निर्देशन अटेर गरेको, फ्रिजमा कुहिएको र बिग्रेको मासु राखेको पाइएको छ ।