अखिल नेपाल महिला संघ कालिन्चोक गाउँपालिका दोलखाको प्रथम सम्मेलन तथा प्रशिक्षण कार्यक्रमसम्पन्न भएको छ । सम्मेलनले रमा शिवाकोटीको अध्यक्षतामा ४५ सदस्यीय कमिटी गठन गरेको छ । उपाध्यक्षमा लक्ष्मी विक, सचिवमा कविता थामी,सह–सचिवमामा पार्वती खड्का,कोषाध्यक्षमा भानुदेवी नेपाली लगायत सबै पदाधिकारी सर्वसम्मत निर्वाचित हुनु भएको गाउँपालिका अखिल नेपाल महिला संघ कालिञ्चोक गाउँपालिकाले जनाएको छ ।
अनेम संघ केन्द्रीय सचिवालय सदस्य शान्ति पाख्रिनको प्रमुख आतिथ्यतामा सम्पन्न कार्यक्रममा अनेम संघ दोलखाकी अध्यक्ष कमला वस्नेत,अनेम संघ दोलखाका नेतृहरु छलिमाया थामी, लक्ष्मी शिवाकोटी,सुमित्रा शंकर,नेकपा एमाले संगठन कमिटीका सचिव होम थामी,सदस्यहरु नन्दराज शिवाकोटी,सुवास थामी, युवासंघ नेपाल कालिन्चोकका संयोजक दिपक राउत लगायतले समसामयिक विषयमा प्रशिक्षण गर्नुभएको थियो ।
अखिल नेपाल महिला संघले दोलखाका गाउँपालिकामा अनेमसंघको सम्मेलन कार्यक्रम सञ्चालन गरिरहेको छ । हाल भीमेश्वर नगरपालिका,गौरीशंकर गाउँपालिका,जिरी नगरपालिकामा सम्मेलन तथा प्रशिक्षण कार्यक्रम सम्पन्न भएको अनेमसंघ जिल्ला सचिव गायत्री आर्चायले जानकारी दिनुभयो ।