attachments(4)

कार्तिक १३
रेडियो शैलुङ्ग सामुदायिक एफएम ९२ थोप्लो सात मेगाहर्ज र रेडियोका स्टेशन म्यानेजर विनिता शिवाकोटीलाई सम्मान गरिएको छ । रेडियो र स्टेशन म्यानेजर शिवाकोटीलाई दोलखाका छुटाछुटै सहकारी संस्थाले आज सम्मान गरेका छन् । सदरमुकाम चरिकोटमा रहेको मिलिजुली कालिञ्चोक बचत तथा ऋण सहकारी संस्थाले आफ्नो २८ औँ वार्षिक साधारण सभाको अवसरमा सहकारीको गतिविधिलाई सकरात्मक रुपमा प्रचार प्रसार गर्न सहयोग गरेको भन्दै रेडियोलाई नगद सहित सम्मान गरेको हो । चरिकोटको चरिघ्याङबाट प्रसारण हुदैँ आएको रेडियोलाई नगद सहित प्रमाण पत्र प्रदान गरेको थियो । त्यसैगरी रेडियोका स्टेशन म्यानेजर विनीता शिवाकोटीलाई जिल्ला सहकारी संघ दोलखाले १६ औँ वार्षिक साधारण सभाको अवसरमा नगद सहित सम्मान गरेको हो । शिवाकोटीले पत्रकारीता क्षेत्रबाट सहकारी क्षेत्रको प्रचार प्रशारमा महत्वपुर्ण योग्दान गर्नुभएको भन्दै सहकारीले वार्षिक उत्सवको अवसरमा नगद सहित सम्मान गरेको हो । दोलखाको कालिञ्चोक गाउँपालिका निवासी शिवाकोटी २०६४ सालबाट पत्रकारिता गरि रहनु भएको छ ।