कात्तिक २७
दोलखा सदरमुकाम चरिकोटमा रहेको परोपकार महिला बचत तथा ऋण सहकारी संस्थाको १० औँ वार्षिक साधारण सभा आज सम्पन्न भएको छ । संस्थाका अध्यक्ष सर्मिला सापकोटाको अध्यक्षतामा भएको कार्यक्रममा संस्थाका सचिव अप्सरा चौलागाईले प्रगति प्रतिवेदन प्रस्तुत गर्नु भएको थियो भने कोषाध्यक्ष श्रृजना न्यौपानेले १२ करोड ३५ लाख ७०हजार ५ सय रुपैया बराबरको आर्थिक प्रतिवेदन प्रस्तुत गर्नु भएको थियो । कार्यक्रममा वागमती प्रदेश बचत तथा ऋण सहकारी संस्थाका महासचिव जिवस राज खड्का लगायतले शुभकामना मन्तव्य व्यक्त गर्नु भएको थियो । संस्थाले आफनो वार्षिक साधारण सभाको अवसरमा जेष्ठ सदस्य राजमाया श्रेष्ठ, उत्कृष्ट दैनिक ऋण कारोबार सदस्य रसिका श्रेष्ठ, उत्कृष्ट मासिक बचत कर्ता स्वस्थानी बुढाथोकी, उत्कृष्ट दैनिक बचत कर्ता जगतकुमारी श्रेष्ठ, उत्कृष्ट ऋणी राधिका पौडेल, बाल बचतकर्ता प्रज्ना बस्नेत र उत्कृष्ट कर्मचारी प्रमिला बस्नेतलाई नगदसहित प्रमाण पत्रले सम्मान गरेको थियो । संस्थामा हाल एक हजार ७ सय ५१ जना सेयर सदस्य आबद्ध रहेका छन् भने ३ सय २७ जना बाल बचतकर्ता रहेका छन् । संस्थाले आफनो शेयर सदस्यहरुलाई विभिन्न बचत तथा ऋणका सेवाहरु प्रदान गर्दै आएको छ । संस्थाले समय समयमा विभिन्न सीपमुलक तालिम र मानव संशाधन नीतिमा भएको व्यवस्था अनुरुप सेवा प्रदान गर्दै आएको पाईएको छ ।