नेपाल सरकारले महिलाका नाममा जग्गा पास गर्दा छुट दिने व्यवस्था लागु गरेपछि दोलखामा जग्गा जमिन माथि महिलाको स्वामित्व बढ्दै गएको छ।जिल्लामा महिला शसक्तिरणका लागि सरकार गरेको उक्त निर्णय प्रभावकारी हुदैँ गएको देखिएको छ ।जिल्ला मालपोत कार्यालय दोलखामा गत आर्थिक बर्ष २०७७ ÷०७८ मा २ हजार ५सय ८ जनाको जग्गा पास भएकोमा ९ सय २७ जना महिलाको नाममा जग्गा पास भएको मालपोत कार्यालय दोलखाका प्रमुख मुरारी दुलालले जनाकारी दिनुभयो ।उहाँका अनुसार कार्यालयम् चालु आर्थिक वर्षको चार महिनाको अवधिमा मात्रै २सय ८१ जना महिलाको नाममा जग्गा पास भएको छ ।चालु आर्थिक वर्ष २०७८/०७९मा ४महिनाको अवधिमा ७ सय९१ जनाको जग्गा पास भएकोमा २सय ८१ जना महिलाको नाममा जग्गा पास भएकोहो ।सरकारले नगर क्षेत्रमा २५ प्रतिशत र ग्रामीण क्षेत्रका महिलाको नाममा जग्गा पास गर्दा ३५ प्रतिशत राजस्वमा छुट दिने व्यवस्था गरेको छ । पुरुषको नाममा भन्दा महिलाको नाममा जग्गा पास गराउदा छुट दिन थालेपछि महिलाका नाममा पास गराउने क्रम बढ्दै गएको जिल्ला मालपोत कार्यालय दोलखाले जनाएको छ ।त्यसैगरी जिल्लाको साविकका लामावगर,खारे,गौरीशंकर,श्यामा,चिलखा र विगु गाविसमा महिलाको नाममा जग्गा पास गर्दा ५०प्रतिशत छुटको व्यवस्था गरिएको मालपोत कार्यालय दोलखाले जनाएको छ