माघ ४

दोलखाको शैलुङ गाउँपालिका दोलखाको वडा नम्वर १दूधपोखरीका कृषक पदमबहादुर घिसिङको बारीमा १४ किलोको एउटै मुला उत्पादन भएको छ । खालु खनेर रोपेको मुला एउटै मुला १४ किलोको फलेको कृषक घिसिङले वताउनुभयो । घिसिङले यो वर्ष एक हजार किलोग्राम मुला विक्रिबाट ४० हजार रुपैयाँ आम्दानी गर्नुभएको छ भने अझै १ हजार किलोग्राम मुला बारीमा रहेको छ । यातायताको सुविधान नहुनु र नजिकै बजार नभएका कारण आफुले उत्पादन गरेको मुला भैसी र बाख्रो खुवाउनु परेको समेत घिसिङले गुनासो गर्नुभयो ।

१४ किलोको मूला उत्पादन गर्ने कृषकलाई शैलुङ गाउँपालिका दोलखाले सम्मान गरेको छ । कृषले त्यति ठूलो मूला खनेको जानकारी पाएपछि उत्साहित हुँदै गाउँपालिका अध्यक्ष भरत दुलालले कृषक तमाङलाई पालिकामै बोलाएर सम्मान गर्नुभएको हो ।पालिकामा मूलासहित उपस्थित गराएर ७ हजार नगदसहित मूलालाई काँधमा राखेर प्रदर्शनी गर्दै अध्यक्ष दुलालले कृषकको सम्मान गर्नुभएको हो ।कृषि उत्पादन, काठमाण्डौमा सप्लाई र तरकारी फलफूलको होलसेल र खुद्रा ब्यापार गर्दै आएका तामाङले लान्के जातको मूला बारीमा रोपेका थिए । पालिकाले यसरी पहिलो पटक सम्मान गदै आफुलाई गर्व महशुस भएको पनि घिसिङले वताउनुभयो ।