बाग्मती प्रदेश सरकार अन्तगर्त रहेका दोलखाका सरकारी कार्यलयमा दरबन्दी अनुसार कर्मचारी नहुदा काममा ढिलासुस्ती भएको नै छ भवन नहुदा सेवा प्रवाहमा समेत समस्या हुदै आएको छ ।
यसकै एउटा उदाहरण हो, प्रदेश माताहतमा रहेको भेटेनरी अस्पताल तथा पशु सेवा विज्ञ केन्द्र दोलखा ।
भुकम्पछि भवन भत्किएर भवन अभाव भएको ६ वर्ष बितिसकेको छ ।
भवन अभावपछि बाग्मती प्रदेश सरकारले भवन निर्माणको लागी २०७७÷०७८ मा १ करोड ५० लाख बजेट विनियोजन पनि गरेको थियो ।
यसवर्ष पनि सोही रकम पठाएपनि डिपिआरको लागी रकम नहुदा भवन निर्माण हुने नहुनेमा अन्यौलता सिर्जना भएको छ ।
दोलखा र सिन्धुपाल्चोक जिल्लाको एकै स्थानबाट सेवा प्रवाह गदै आएका यस कार्यलयमा भवन अभाव हुदा विभिन्न सेवा प्रवाह एउटै कोठबाट गर्नुपर्ने बाध्यता छ ।
माटो परिक्षण र डिपिआरको लागी ५ देखी ७ लाख लाग्ने भएकाले सो रकम छुट्टिएर नआएकाले भवन निर्माणको काम सुरु हुन नसकेको हो ।
भवन अभाव भएपछि भुकम्पले चर्किएको भवनबाट नै सेवा प्रवाह हुदै आएको छ ।
भवन अभावकै कारण गाई भैसी, कुकुर, बाख्राहरुलाई छुट्टाछुट्टै स्थानबाट सेवा दिन समेत कठिनाई भइरहेको भेटेनरी अस्पताल तथा पशु सेवा विज्ञ केन्द्रका पशु विकास अधिकृत डा. निशान्त शर्माले बताउनुभयो ।
भवन निर्माणको लागी डिपिआर तया गर्न बजेट माग गरी पत्र प्रदेश सरकारलाई पठाएकाले यस वर्ष चाही भवन बन्नेमा कार्यलयका कर्मचारी आशावादी बनेका छन ।
कृषि तथा पशुपन्छी विकास मन्त्रालयले पनि निर्माणको लागी चासो दिइरहेकाले यो आर्थिक वर्षमा भवनले गती लिनेमा आशावादी बनेका छन