दोलखाका ९६ हजार बाख्राभेडामा पिपिआर खोप कार्यक्रम सञ्चालन

3 वर्ष अगाडि | समदृष्टि अनलाइन संवाददाता

माघ २०
दोलखामा भेडा बाख्रालाई निःशुल्क पिपिआर रोग विरुद्धको खोप शुरु भएको छ । वागमती प्रदेशको कृषि तथा पशुपन्छी विकास मन्त्रालयको वार्षिक स्वीकृत कार्यक्रम अन्तर्गत भेटेरीनरी अस्पताल तथा पशु सेवा विज्ञ केन्द्र मार्फत दोलखाका सबै भेडा बाख्राहरुलाई पिपिआर रोगविरुद्धको खोप लगाउन मंगलबारबाट शुरु गरिएको भेटेरीनरी अस्पताल तथा पशु सेवा विज्ञ केन्द्र दोलखाका प्रमुख माधव दाहालले जानकारी दिनुभयो । उहाँका अनुसार खोप कार्यक्रमका लागि जिल्लामा ४० जना प्राविधिक छनोट गरि परिचालन गरिएको छ । जिल्लाका सबै पालिकाहरु मार्फत पिपिआर रोगविरुद्ध सप्ताहव्यापी खोप अभियान सञ्चालन गरिएको होे । पिपिआर भेडा बाख्रामा लाग्ने घातक सङ्क्रामक रोग हो । जिल्लामा अभियानको क्रममा ९६ हजार भेडा बाख्रालाई पिपिआर रोगविरुद्धको खोप लगाईने लक्ष्य रहेको छ ।