फागुन २३
महिला नेतृत्व र शिक्षा अधिकारको सुनिश्चितता सम्वन्धी एक दिने अन्तरक्रिया कार्यक्रम आज दोलखाको सदरमुकाम चरिकोटमा सम्पन्न भएको छ । १ सय १२ औँ अन्र्तराष्ट्रिय श्रमिक महिला दिवसको अवसरमा हुराडेक नेपाल दोलखा मार्फत संञ्चालित पारस्परिक जवाफदेहिता परियोजना,शिक्षाका लागि राष्ट्रिय अभियान नेपाल,महिला अधिकार मञ्च दोलखाको आयोजनामा भएको कार्यक्रममा जनप्रति निधि, महिला अधिकारकर्मी, पार्टीका प्रतिनिधि, विभिन्न संघ संस्थाका प्रतिनिधि,पत्रकार लगायतको सहभागिता रहेको थियो । कार्यक्रममा शिक्षाका लागि राष्ट्रिय अभियान नेपाल दोलखाका सचिव विनिता शिवाकोटीले दोलखामा महिलाको अवस्था बारेमा कार्यपत्र प्रस्तुत गर्नु भएको थियो ।
महिला अधिकार मञ्च दोलखाका अध्यक्ष मेनुका सुवेदीको अध्यक्षतामा भएको कार्यक्रममा भीमेश्वर नगरपालिकाका उपमेयर कमला बस्नेत, कालिञ्चोक गाउँपालिकाका उपाध्यक्ष कालिका पाठक, भीमेश्वर नगरपालिका कार्यपालिका सदस्य किरण ओली, भीमेश्वर नगरपालिका वडा नम्वर ६ का वडा सदस्य शुसीला थापा, पत्रकार महासंघ दोलखाका पुर्व अध्यक्ष जीवन लामा, द एसिया फाउण्डेशनका उद्धवप्रसाद अधिकारी र नेपाली काङग्रेस वागमती प्रदेश सदस्य अनिता श्रेष्ठले आफ्नो धारणा व्यक्त गर्नु भएको थियो ।