चैत १०

गौरीशंङ्कर गाउँपालिका दोलखाले महिलाहरुका लागि सिपमुलक तालिमको आयोजना गरेको छ । गाउँपालिकाको गुरुम्फीमा रहेको उद्यमी भवनमा मखमली जुत्ता र कुशन बनाउने तालिम एकसाथ सम्पन्न गरेको हो ।
गाउँपालिकाका बेरोजगार महिलाहरुलाई आत्मनिर्भर बनाउने उद्देश्यले तालिमको आयोजना गरिएको गाउँपालिका उपाध्यक्ष उर्मिला थामीले बताउनुभयो । समापन कार्यक्रमलाई सम्बोधन गदै गाउँपालिका अध्यक्ष स्वयं बहादुर खड्काले महिलाहरुलाई स्वरोजगारमुलक बनाउन कार्यक्रमको आयोजना गरिएको भन्नुभयो । स्थानीय स्रोत साधनको प्रयोगलाई भरपूर सदुपयोग गरी उद्यमी बन्न सहभागिहरुलाई सुझाब दिनुभयो । महिलाले उद्यममा जाँगर चलाए बजार व्यवस्थापनको जिम्मा आफूले लिने समेत वचन दिनुभयो ।

तालिममा गाउँपालिका उपाध्यक्ष उर्मिला थामीले महिलालाई उद्यमी बनेर आत्मनिर्भरको बाटोमा लाग्न आग्रह गर्नुभयो । महिलाले उद्यममा आँट गरे सकेको सहयोग गर्ने प्रतिवद्धता व्यक्त गर्नुभयो । आउँदा दिनमा अरु ठाउँमा पनि यस्ता तालिमद्वारा महिला दिदीबहिनीलाई सीपमुलक र व्यवसायिक बनाउन सघाउने बचनवद्धता व्यक्त गर्नुभयो । कार्यक्रममा शुभ कामना व्यक्त गर्दै नेकपा एमाले गौरीशङ्कर संगठन कमिटिका अध्यक्ष जंग गुरुङले प्रत्येक सदस्यलाई उद्यमी बनाउने पाटीको नीति नै रहेको भन्दै समयको माग अनुसारको उत्पादनमा लाग्न अनुरोध गर्नुभयो । कार्यक्रममा सहभागिहरुलाई सामुहिक उद्यममा लाग्न सुझाउनुभयो ।

कार्यक्रममा वडा नं ५ का वडाध्यक्ष डिल्लीध्वज बस्नेत,वडा नं ३ का वडाध्यक्ष नेत्र बहादुर बस्नेत,वडा नं ६ का वडाध्यक्ष पेम्बा शेर्पा,वडा नं ९ का वडाध्यक्ष छिरिङ शेर्पाले तालिमलाई व्यवहारिक रुपमा कार्यान्वयनका लागि आग्रह गर्नुभयो । समापन कार्यक्रमको अवसरमा तालिम प्रशिक्षक पार्वती खड्का तालिमका सहभागि हस्त कुमारी बस्नेत,राधिका आचार्य लगायतले मन्तव्य राख्नु भएको थियो ।
तालिमपछि लामाले सहभागी महिलालाई प्रमाणपत्र पनि वितरण गरिएको थियो । १० दिने कुशन बनाउने तालिममा १५ जना र ७ दिने मखमली जुत्ता बनाउने तालिममा १८ जना महिलाको सहभागिता रहेको गाउँपालिकाले जनाएको छ ।

तालिममा सहभागीहरुले आफ्नै घरआँगनमा आएर सिर्जनशील तालिम दिइ आपूmहरुलाई आत्मनिर्भर हुन प्रेरित गरेकोप्रति आभार प्रकट गरे । साथै यस तालिमले आपूmहरुलाई थोरै भएपनि व्यवसायिक बनाउन आत्मबल बढेको बताएका थिए । कार्यक्रममा तालिममा सहभागी महिलाहरुले आपूmले बनाएको मखमली जुत्ता र कुशन समेत प्रदर्शन गरेका थिए । गाउँपालिकाले महिला शसक्तीकरणका लागि विभिन्न फरक फरक प्रकृतिका कार्यक्रम निरन्तर रुपमा गर्दै आएको छ ।