चैत १०, प्रमिला सेढाई
भीमेश्वर नगरपालिका दोलखामा सामाजिक सुरक्षा कार्यक्रमको प्रभावकारीतामा सरकार र नागरिकको भूमिका विषयक सार्वजनिक सुनुवाई कार्यक्रम कार्यक्रम सम्पन्न भएको छ । नेपाल सरकार, राष्ट्रिय परिचयपत्र तथा पञ्जिकरण विभाग, काठमाण्डौको आयोजना र भीमेश्वर नगरपालिकाको संयोजनमा कार्यक्रम सम्पन्न भएको हो । राष्ट्रिय परिचयपत्र तथा पञ्जिकरण विभागका महानिर्दैशक तिर्थराज भट्टराईको अध्यक्षतामा भएका कार्यक्रममा भीमेश्वर नगरपालिकाका प्रमुख भरत बहादुर केसी, तामाकोशी गाउँपालिका अध्यक्ष इश्वर चन्द्र पोखरेल, मेलुङ गाउँपालिकाका अध्यक्ष नर बहादुर श्रेष्ठ, विगु गाउँपालिकाका अध्यक्ष युधिष्ठर खड्काको उपस्थिति रहेको कार्यक्रममा प्रमुख जिल्ला अधिकारी भोजराज खतिवडा, विभिन्न पालिकाका प्रमुख प्रशासकीय अधिकृतहरु, वडा अध्यक्षहरु सामाजिक सुरक्षा लाभग्राहीहरु र सेवा प्रवाह गर्ने बैंकका कर्मचारी लगायत अन्य कर्मचारी समेतको उपस्थिती रहेको थियो ।
सामाजिक सुरक्षा भत्ता वितरण, घटना दर्ता र राष्ट्रिय परिचय पत्र वितरण सम्बन्धमा देखिएका समस्याको बारेमा सवाल उठान भएको थियो । कार्यक्रममा प्रमुख जिल्ला अधिकारी भोजराज खतिवडा र महानिर्देशक तिर्थराज भट्टराईले उठेका सावालहरु सम्वोधन गर्नु भएको थियो । ठेक्का सवालहरुमा दुर्गम क्षेत्रमा बैंकबाट सामाजिक सुरक्षा भत्ता वितरण गर्न कठिनाई भएको, घटना दर्ता विशेषगरी जन्म दर्ता संशोधन समस्या, राष्ट्रिय परिचय पत्र वितरणमा ढिलाई जस्ता  सवालमा कार्यक्रम केन्द्रित रहेको थियो । सार्वजनिक सुनुवाई कार्यक्रमको सहकजीरण पत्रकार केदार शिवाकोटीले गर्नु भएको थियो ।