प्रमिला सेढाई
चैत २२

भीमेश्वर नगरपालिकाका फायर ब्रिगेड कर्मचारी र स्वयमसेवकहरुको लागि ७ दिने आगलागी व्यवस्थापन तालिम शुरु भएको छ । शहरी क्षेत्रमा अग्नि जोखिम कम गर्न आवश्यक जनशक्तिको तयार गर्न तालिमको आयोजना गरिएको भीमेश्वर नगरपालिकाका प्रमुख प्रशासकीय अधिकृत मान बहादुर खड्काले जानकारी दिनुभयो ।

भीमेश्वर नगरपालिकाका प्रमुख प्रशासकीय अधिकृत मानबहादुर खड्काको अध्यक्षतामा सम्पन्न तालिम उद्घाटन कार्यक्रममा फोकल पर्सन सुरेश राउत, सामाजिक विकास शाखा प्रमुख नारायण प्रसाद सेढाई, प्रशिक्षक हाईफेसका अध्यक्ष सुशिल राउत र प्रशक्षक उमेश शाखकर्मी, तयार नेपालको इञ्जिनियरसुनन्दा गिरी समेतको आतिथ्यता रहेको थियो ।
तालिममा भीमेश्वर नगरकार्यपालिकाका कर्मचारी र स्वयमसेवकहरु, ४ जना महिला सहित जम्मा १५ जनाको सहभागिता रहेको छ ।
आगोलागी व्यवस्थापन तथा आगलागिका घटनामा तत्काल उद्दार गनसक्ने जनशक्ति विकास गर्नको लागि तालिम सञ्चालन गरिएको आयोजकले जनाएको छ । तालिम २०७८ चैत्र २७ गते सम्म सञ्चालन हुनेछ ।