७ वर्षदेखी सुन्द्रावती आधारभुत विद्यालयको बालबालिकाको पाठशाला अस्थायी टहरो बनिरहेको छ ।
भुकम्पपछिको ७ वर्षमा जिल्लाका सबै स्थानमा आधुनिक विद्यालय भवन निर्माण भएपनि यस विद्यालयले अहिलेसम्म पक्की भवन पाउन सकेको छैन ।
कक्षा १ देखी ८ सम्म अध्यापन भइरहेको उक्त विद्यालयका बालबालिका कोही साघुरो जस्ताको टहरामा बसेर पढदै आएका छन त कोही भ¥याङमुनीको बाकी भागमा बसेर पढिरहेका छन ।
सदरमुकाम चरिकोटबाट करिब आधा घण्टाको दुरीमा रहेको उक्त विद्यालयमा अध्ययरत ९५ प्रतिशत बालबालिका सिमान्तकृत थामी समुदायका हुन ।
भुकम्प लगत्तै भारतीय राजदुतावासले विद्यालय बनाइदिने भने प्रतिबद्धता गरेपनि काम हुन सकेन भने पछि एडिबीले निर्माण गर्ने भनेर सबै प्रक्रिया पुरा गरी अन्तिममा हात छोडिदिदा बालबालिका अस्थायी टहरामा नै पढन बाध्य भएको विद्यालयका प्रधानाध्यापक भरत श्रेष्ठले बताउनुभयो ।

बिद्यालयमा १४ कोठा आवश्यक भएपनि ४ कोठे मात्र पक्की भवन रहेको छ । जिल्ला आयोजना कार्यन्वयन इकाईले बिद्यालय व्यवस्थापन समिती मार्फत ४ कोठे भवन निर्माण गरिदिएको छ ।
४ कोठे भवन अफिस सञ्चालन गर्न नै अपुग रहेको विद्यालयका प्रअ श्रेष्ठको भनाई छ ।
अस्थायी टहरामा अध्ययन गरिरहदा गर्मीमा जस्ताले पोल्ने, जाडोमा अत्यधिक चिसो र हावाहुरीको समयमा पढन नै समस्या हुने गरेको बालबालिकाको भनाई छ ।

विद्यालय भवन निर्माणको लागी पटक/पटक सरकारी निकायदेखी विभिन्न संघसंस्था धाउदा पनि कुनै पनि निकायले सुनुवाई नगरेको विद्यालयका शिक्षकहरु बताउछन ।