भानु विद्यापति साहित्य प्रतिष्ठान दोलखाको गजल साँझ कार्यक्रमको आयोजना गर्ने भएको छ । भोलि बेलुका ४ बजेदेखि बेलुका ७ बजेसम्म कार्यक्रमको आयोजना गर्ने प्रतिष्ठानले जनाएको छ । दोलखामा गजल साहित्यको प्रवद्र्धन गर्न र नवोदित प्रतिभालाई गजल लेखनमा प्रोत्साहन गर्ने उद्देश्यले पहिलो पटक गजल साँझको आयोजना गर्न लागिएको प्रतिष्ठानका अध्यक्ष शंकरलाल श्रेष्ठले बताउनुभयो ।
आधुनिक साहित्यमा गजल लेखनमा रुचि बढ्दै गएपनि प्रस्तुति गर्ने वातावरण प्रर्याप्त नभएको अवस्थामा गजल साँझको आयोजना गरेर गजल वाचनलाई जीवन्त बनाउन कार्यक्रम गर्न लागिएको आयोजकको भनाई छ ।
भानु विद्यापति साहित्य प्रतिष्ठानले आयोजना गरेको प्रशिक्षण कार्यक्रमको उपलब्धी मापन गर्न पनि सहज हुने छ । प्रतिष्ठानले २ दिवसीय गजल प्रशिक्षणको आयोजना गरेको छ ।
कार्यक्रममा तालिमका सहभागी,दोलखाका गजलकार,साहित्यमा रुचि राख्नेहरुको सहभागिता रहने छ ।
कार्यक्रम होटल एम्ब्रोसियामा आयोजना गरिने कार्यक्रम तय भएको छ ।