बजेट अभावमा दोलखाको सुस्पाक्षमावती स्थित राङराङथलीमा निर्माणधीन थामी संग्रहालय निर्माणको काम अलपत्र बनेको छ ।
संस्कृति, पर्यटान तथा नागरिक उडययन मन्त्रालयबाट करिब ७ करोड रकम स्रोत सुनिश्चितता भएपनि ९ महिना बितिसक्दा पनि बजेट प्राप्त नहुदा निर्माणको काम अलपत्र बनेको हो ।
भिमेश्वर नगरपालिकाको २० प्रतिशत र नेपाल सरकारको ८० प्रतिशत संयुक्त साझेदारीमा निर्माण थालिएको उक्त संग्रहालयमा नगरपालिकाको तर्फबाट भुक्तानी भइसकेपनि मन्त्रालयबाट बजेट नआउदा निर्माणको काम रोकिएको हो ।
सिमान्तकृत थामी समुदायको लोपन्मुख ऐतिहासिक र सास्कृतिक परम्परालाई संरक्षण गर्न संग्रहालय निर्माण थालिएको हो ।
संग्रहालयमा थामी जातीको पुर्खा सोनारी यापत्तिले खाना पकाएको ढुङा देखी विभिन्न इतिहासहरु सो स्थानमा रहेको स्थानीयहरुको भनाई छ ।
१९ करोड २१ लाखमा डिपिआर तयार भएको उक्त संग्रहालयमा तिलकपोखरी, सिडी लगायतको संरचना निर्माणमा १ करोड खर्च भइसकेको भिमेश्वर नगरपालिकाले जनाएको छ ।
रकम अभावमा संग्रहालय भित्र निर्माण गरिने विभिन्न संरचना निर्माणको काम अलपत्र परेको भिमेश्वर नगरपालिकाका प्रशासकीय अधिकृत मानबहादुर खडकाले बताउनुभयो ।

संग्रहालयमा थामी समुदायको संस्कृति, परम्परागत भेषभुषा, सिप, कलासमेत संग्रह गर्ने विस्तृत परियोजना प्रतिवेदनमा उल्लेख छ ।
थामी जातीको उदगम थलोका रुपमा रहेको सुस्पाक्षमावतीबाट कालिञ्चोक र विगु तिर थामी जाती विस्तार हुदै गएको किम्बदन्ती रहेको छ ।