७ वर्षदेखी विद्यालय भवन नबनेपछि बागमती प्रदेश सरकारले दोलखाको सुन्द्रावती आधारभुत विद्यालयमा भवन निर्माणको काम थालेको छ ।
भुकम्पपछिको ७ वर्षमा जिल्लाका सबै स्थानमा आधुनिक विद्यालय भवन निर्माण भएपनि यस विद्यालयले अहिलेसम्म पनि पक्की भवन पाउन सकेको थिएन ।
दोलखाको भिमेश्वर नगरपालिका वडा नम्बर १ स्थित सुन्द्रावती आधारभुत विद्यालयमा भवन नहुदा बालबालिका कोही साघुरो जस्ताको टहरामा बसेर पढिरहेका छन भने कोही भ¥याङ मुनीको बाकी भागमा बसेर पढिरहेका छन ।

भवन निर्माणको लागी यो वर्ष प्रदेश सांसद रचना खडका मार्फत सांसद विकास कोषबाट १४ लाख प्राप्त भएको विद्यालयका प्रधानाध्यापक भरत श्रेष्ठले बताउनुभयो ।

प्रदेशबाट भिमेश्वर नगरपालिकामा बजेट प्राप्त भएको र सम्झौताको काम सम्पन्न भइसकेको प्रअ श्रेष्ठले बताउनुभयो ।
उपभोक्ता समिती मार्फत निर्माणको काम थालेको उक्त विद्यालयमा ४ कोठे ट्रष्टको भवन निर्माण हुने विद्यालयले जनाएको छ ।
भुकम्पलगत्तै भारतीय राजदुतावासले विद्यालय बनाइदिने भनेर प्रतिवद्धता गरेपनि काम हुन सकेको थिएन भने पछि एडिबीले निर्माण गर्ने भनेर सबै प्रक्रिया पुरा गरी अन्तिममा हात छोडिदिदा बालबालिका अस्थायी टहरामा पढन बाध्य भएको विद्यालयले जनाएको छ ।
जिल्ला आयोजना कार्यन्वयन इकाईले विद्यालय व्यवस्थापन समिती मार्फत ४ कोठे भवन निर्माण गरिदिएको छ ।
४ कोठे भवन अफिस सञ्चालन गर्न नै अपुग रहेको विद्यालयका प्रअ श्रेष्ठको भनाई छ ।
बाग्मती प्रदेश सरकारमार्फत प्रापत बजेटले विद्यालय भवन निर्माणपछि बालबालिकामा अध्ययनमा केही सहजता हुने विद्यालयले जनाएको छ ।
विद्यालयमा थप ८ कोठा अझै अभाव हुने विद्यालय प्रशासनले जनाएको छ ।