विनिता शिवाकोटी

गाउँवासीले गर्व गर्न लायक काम गरेर देखाउँछु । मतदातालाई पछुतो मान्नु पर्ने अवस्था आउने छैन् —कालिञ्चोक गाउँपालिकामा अध्यक्षको उम्मेरदवारी दिएका गणेश शिवाकोटीको भनाइ हो । पालिका बासी सबैको भावना समेट्ने गरी पालिकाको केन्द्र निर्धारण गर्ने प्रतिवद्धता समेत शिवकोटीमा रहेको छ । लामो समय सम्म अन्यौलमा रहेको पालिकाको केन्द्र विवादित हुन नदिने र कसैको मन नदुख्ने गरी निश्चित गरेर छाड्ने बताउनु भएके हो । उहाँले भन्नु भयो, मनमाखकुनै कुण्ठा नराखी बैज्ञानिक रुपमा केन्द्र निर्माण गर्ने र पचासौ वर्षसम्म सम्झिरहने गरी असल कर्म गरेर देखाउँन उम्मेदवारी दिएको हुँ । गाउँपालिकालाई एउटै घर र जनतालाई परिवारका सदस्यका रुपमा व्यवहार गर्नेछु ।
कृषिमा क्षेत्रलाई प्राथमिकतामा राखेर नमुना पालिका बनाउने योजना शिवाकोटीमा छ । उच्च सामाजिक चिन्तन,अरुको दुःखमा साथ दिन अगाडि सर्ने,सालनि र भावुक स्वभावका शिवाकोटी जनताको सेवकका रुपमा पहिचान बनाउन सफल देखिन्छ ।
सामाजिक र राजनीतिक यात्रा र अनुभव
कालिञ्चोक गाउँपालिका वडा नं ८ भटट्ेलीमा सामान्य किसान परिवारमा जन्मेका शिवाकोटीले गाउँकै कालिनाग माध्यमिक विद्यालयबाट माध्यमिक शिक्षा प्राप्त गर्नुभएको हो । समाजशास्त्रमा स्नातकोत्तर उपाधि प्राप्त गरिसक्नु भएका शिवाकोटी जीवनमा मध्यम वर्गीय परिवारका सदस्यले जीवनमा भोग्नु पर्ने सबै किसिमका उचार चढावको अनुभव गर्नुभएको छ । कलिलै उमेरमा सफल उद्यमीको पहिचान बनाउन सफल शिवाकोटी वि.स. २०६४ सालबाट नेकपा एमालेको सक्रिय राजनीति सुरु गर्नुभएको हो । वि.स. २०६४ सालमा नेकपा एमाले दोलखा काठमाण्डौँ क्षेत्रीय सम्पर्क कमिटीका सह सचिवको पद कुशलतापूर्वक सम्हाल्नु भएको थियो ।
२०६८ सालमा क्षेत्रीय सम्पर्क कमिटीका अध्यक्ष २०६९ सालमा नेकपा एमाले दोलखा काठमाण्डौँ सम्पर्क मञ्चको सहसचिवको भुमिका निर्वाह गर्न सफल शिवाकोटीको क्रियाशीलता र कार्यदक्षता देखेर ७२ सालमा सम्पर्क मञ्चको अध्यक्षको जिम्मेवारी दिइएको थियो ।
सम्पर्क मञ्चको अध्यक्ष बने पछि उहाँको राजनीतिक छवि अझै खारियो । दोलखाका गाउँपालिका तथा जिल्लाका नागरिकबीच सामिप्यता, असल पहिचानसंगै पदीय जिम्मेवारी र संगठनको व्यवस्थापन र परिचालनमा दक्षता प्रस्तुत गर्नुभयो । यसैको प्रतिफलस्वरुप शिवाकोटी २०७५ सालमा नेकपा एमालेको जिल्ला कमिटी सदस्य र ७७ मा प्रदेश सम्पर्क मञ्च बागमती प्रदेशको सदस्य भएर संगठनमा शसक्त भूमिका निर्वाह गर्न सफल हुनु भएको छ ।

२०७८ सालको नेकपा एमाले दोलखाको दशौ जिल्ला अधिवेशनमा समेत भारी मतले जिल्ला कमिटी सदस्य सदस्यमा विजयी बन्न सफल हुनुभयो भने हाल सम्पर्क मञ्चको इन्चार्ज र सल्लाहकारको भूमिकामा रहनु भएको छ ।

हाल नेकपा एमालेको तर्फबाट कालिञ्चोक गाउँपालिकामा अध्यक्षको उम्मेदवारी दिएका शिवाकोटीाबाट कालिञ्चोक बासीले परिवर्तनको आशा गरेका छन् । नयाँ अनुहार,उर्जाशील युवाशक्ती विकासप्रेमी नेता ,कामप्रति उत्साहित ,लोकप्रिय र इमान्दार उम्मेरदवार पाएको भन्दै स्थानीय उत्साहित भएका हुन् । कालिञ्चोक गाउँपालिकाकोे समग्र शिक्षा, स्वास्थ्य, कृषि लगायतका सबै क्षेत्रको समानुपातिक ढंगले विकास गर्ने र गाउँमै स्वरोजगारको वातावरण निर्माण गरी नमुनायोग्य पालिका निर्माण गर्ने योजनाका साथ हाल शिवाकोटी चुनावी मैदानमा जानु भएको छ ।