नेपाली काँग्रेस दोलखाका पूर्व उपसभापति छविलाल तामाङ नेकपा एमाले प्रवेश गर्नु भएको छ । तीन दशक लामो नेपाली काङ्ग्रेसको राजनीतिक जीवनबाट विदा लिँदै बैत्यश्वरका छविलाल तमाङ र नवीन कुमार घिसिङ पार्टी प्रवेश गर्नु भएको नेकपा एमाले दोलखाले जनाएको छ ।
नेकपा एमाले दोलखाको पार्टी कार्यालयमा आयोजना गरिएको पार्टी प्रवेश कार्यक्रममा नेकपा एमालेका पोलिटव्यूरो सदस्य पार्वत गुरुङ र पार्टी जिल्ला अध्यक्ष नरबहादुर श्रेष्ठ,जिल्ला कमिटिका पदाधिकारी लगायतले स्वागत गर्नु भएको थियो ।
तमाङलाई एमाले प्रवेशपछि  एमालेबाट उपाध्यक्षमा उमेदवारी दिनुभएकी नविना लामालाई फिर्ता बोलाउने सहमती भएको एमाले दोलखाका उपाध्यक्ष एवं प्रचार विभाग प्रमुख राजेन्द्र मानन्धरले बताउनु भयो ।
नेकपा एमाले बुद्धिजिविको पार्टी हो असल र राम्रा मान्छे नेकपा एमालेमा भएकाले ३० वर्षे काङ्ग्रेस संगको राजनीति यात्रा छोडेर पार्टी प्रवेश गरेको कार्यक्रममा तमाङले वताउनु भयो ।