लामो समय महिला अधिकारका आवाज उठाएँ, अधिकार कार्यान्वयनमा लागि राजनीतिमा प्रवेश गरेको हुँ – विगु गाउँपालिका उपाध्यक्ष पदकी उम्मेदवार देविका थामीको भनाई हो ।
रेडियो शैलुङको वहसमुखी कार्यक्रम चुनावी कठघरा कार्यक्रममा आपनो योजना सार्वजनिक गर्दै सशक्तीकरण र समानतालाई प्राथमिकतामा राखेर काम गर्ने वताउनु भएको छ ।
नेकपा एमाले विगु गाउँपालिकाको तर्फबाट उपाध्यक्ष पदको उम्मेरदवार थामीले राजनीतिक,सामाजिक र साँस्कृतिक रुपमा महिलालाई सशक्त बनाउनु आवश्यकता रहेको धारणा राख्नु भएको हो ।
उहाँले भन्नुभयो,“स्थानीय तहको निर्वाचनमा पनि अरु दलले महिला सहभागितालाई वेवास्ता गरे । महिलालाई हेर्ने दृष्टिकोणमा परिवर्तन भएको छैन् । महिलाको क्षमता विकासको लागि महिलाहरुलाई सर्वप्रथम बाहिर ल्याउने मेरो प्रयास रहन्छ । महिला हिंसा बन्द गर्ने सन्दर्भमा आफ्नो ठाउँबाट पहल गर्ने छु ।”
महिला आफै पनि माथि उठ्ने प्रयास गर्नुपर्छ । यो सबैको लागि पहिलो कुरा चेतनाको स्तर माथि उठ्नु पर्छ ,अगुवाहरुको काम चेतना जगाईदिने हो, निर्णाय तहमा पुगेर कार्यान्वयन गर्ने हो उहाँले बताउनुभयो ।

राजनीतिक र सामाजिक यात्रा

बुबा खेल बहादुर थामी र आमा बुधमाया थामीका ६ सन्तान मध्येकी देविका एक हुनुहुन्छ । वि.सं.२०३६ सालमामा जन्मिएकी देविका अहिले विगु गाउँपालिकाको उपाध्यक्ष पदको उम्मेरदवार हुनु भएको छ । अहिले विगु गाउँपालिकाको नेकपा एमालेको तर्फबाट उपाध्यक्ष पदको उम्मेदवार हुनु भएको हो ।
अतिसिमान्तकृत थामी समूदायको प्रतिनिधित्व गर्दै उपाध्यक्षको पदको उम्मेरदवार देविका विद्यालय जीवन कालबाट निकै नै मेहनती र जेहेन्दार विद्यार्थी, अन्य गतिविधि मा अब्बल क्षमता थियो । उहाँको राजनैतिक यात्रा अनेरास्ववियुको प्रारम्भिक कमिटिमा आवद्धता संगै शुरु भएको हो
गाउँकै हिमालय माध्यमिक विद्यालय खोपाचागुमा माध्यमिक शिक्षा प्राप्त गर्न सफल थामीले जीवनमा निक्कै उचारचढावहरु पार गर्नु भएको छ । उहाँले विगत २० वर्षदेखि निरन्तर समाजमा रहेका विकृति,विसंगति,अन्याय र अत्याचारका विरुद्धमा आवाज उठाउँदै आउनु भएको छ । ०७२ सालको विनाशकारी भुकम्प होस या कोरोना महामारीको समयमा उहाँले समाजको उत्थान र पुनर उत्थानकोको लागि महत्वपूर्ण भूमिका खेल्नु भएको थियो । सानैदेखि समाजको दुःख सुखमा साथ दिदै समाजका सबै वर्गसंग निक्कै परिचित हुनुहुन्छ । जातीय छुवाछुत अन्त्यको लागि लागि पर्ने प्रतिवद्धता रहेकोे छ । जल जमिन र जंगलमा स्थानीय युवा र महिलाको स्वामित्व बढाउने योजना रहेको बताउनु भएको छ ।

अखिल नेपाल महिला संघ जिल्ला कमिटी,नेकपा एमाले जिल्ला कमिटिको भूमिका निर्वाह गर्दै नेकपा एमाले दोलखाको १० औ जिल्ला अधिवेशनबाट पुनः जिल्ला कमिटि सदस्यमा निर्वाचित हुनुभएको छ भने नेपाल थामी समाजको जिल्ला सचिवको रुपमा क्रियाशील रहदै आउनु भएको छ ।
संघीयता पछिको पहिलो स्थानीय तहको निर्वाचन पछि पनि महिला उपाध्यक्ष पाउन नसकेको विगु गाउँपालिकाका लागि यो पटक पनि देविका एक मात्र महिला उपाध्यक्षको उम्मेरदवार बनेको कारण विगुबासीमा चर्चाको विषय बनेको छ । मुख्य गरी अति सिमान्तकृत थामी समूदाय र महिला र युवाको प्रतिनिधित्वको रुपमा उहाँलाई हेरिएको छ ।
नेकपा एमालेको करिव २ दशक लामो राजनीतिमा क्रियाशील देविका अहिले आफू जन्मिएको गाउँको विकास,पिछडा वर्गको उत्थानका लागि भन्दै चुनावी मैदानमा रहनु भएको छ ।

५ वर्षे योजना
सबै क्षेत्रमा महिलाको प्रतिनिधित्व र सहभागितालाई सुनिश्चित गर्ने
महिला हिंसा मुक्त पालिका बनाउने ।
जनताको पीर मर्कालाई प्रत्यक्ष सम्बोधन गर्न मेरो जनप्रतिनिधि मेरो संवाद टेलिफोन कार्यक्रम सञ्चालन गर्ने ।
समाजमा रहेका बेरोजगार युवाको पहिचान गरी सीपको विकाससंगै अवसरहरुको सिर्जना गर्ने
लगानीमैत्री वातावरण बनाई स्थानीय स्तरमा नै रोजगारको सुनिश्चित गर्ने ।
पालिकामा बहुजोखिम स्थान पहिचान गरी जोखिम न्युनीकरण र व्यवस्थापनसहित न्यायपूर्ण राहत प्रदान गर्ने ।
सीपमूलक र गूणस्तरीय शिक्षा प्रदान गर्ने
गाउँपालिकामा उद्योग र खानीको सम्भावना अध्ययनसंगै उद्योग स्थापनाको थालनी गर्ने
विगु गाउँपालिकालाई सञ्चारमैत्री बनाउने र गाउँपालिकामा जन्म भई विभिन्न सञ्चार माध्यममा काम गर्ने सञ्चार कर्मीलाई प्रोत्साहनका कार्यक्रम ल्याउने । साथमा उनीहरुको सीप र दक्षतालाई उपयोग गर्ने ।