सूचना र सञ्चारलाई जनताको अधिकारको रुपमा स्थापित गर्ने विगु गाउँपालिकाले प्रतिवद्धता जनाएको छ । गाउँपालिकाको घोषणापत्रमा सञ्चारकर्मीको प्रोत्साहनका लागि विभिन्न कार्यक्रम ल्याउने नीतिगत व्यवस्था गर्ने उल्ल्ोख गरेको हो ।
सूचना र सञ्चारको विकासका सन्दर्भमा नेकपा एमालेको विगु गाउँ कमिटिले सार्वजनिक गरेको घोषणापत्रमा गाउँपालिकामा जन्म भइ राष्ट्रिय स्तरका सञ्चारमाध्यममा एक दशकभन्दा बढी समय काम गरेका सञ्चारकर्मीलाई प्रोत्साहन स्वरुप नगद पुरस्कारको व्यवस्था गर्ने भनेको छ ।
गाउँपालिकाभित्र रहेका सञ्चार माध्यमलाई विज्ञापन लगायतका सुविधाहरु उपलब्ध गराई प्रोत्साह गर्ने नीति लिएको छ । यसैगरी पालिकामा रेडियो,एफ.एम र टेलिभिजन सञ्चालनका लागि प्रोत्साहन गर्ने प्रतिवद्धता पत्रमा उल्लेख गरेको छ ।
यसैगरी पालिकाको घोषणापत्रमा सही उम्मेदवारको चयन ः सुख शान्ति र अमनचैन ,एमालेको आव्हान ःगाउँवस्तीमा समाजवादको आधार निर्माण,भरपर्दो सामाजिक सुरक्षा,कृषिमा आधुनिकता र यान्त्रिकीकरण ः व्यवसायिक खेतीबाट आत्मनिर्भर, अर्थतन्त्र निर्माणजस्ता विषयलाई आकर्षक रुपमा उठाएको छ । उन्नत पशुपालनमा प्रोत्साहन,गाउँवस्तीमा भरपर्दो सडक,निरोगी र स्वस्थ जीवन,सीपमूलक र गुणस्तरीय शिक्षा जस्ता पक्षलाई प्राथमिकताका साथ उठाइएको छ ।
विगुको पर्यटनलाई धनसंग जोड्ने, भ्रष्टचाररहित,पारदर्शी,स्वच्छ शासन र जनउत्तरदायी प्रशासनलाई महत्व दिएको छ ।