दोलखा । नेपाली काङ्ग्रेस दोलखाले मङ्गलबार स्थानीय तह निर्वाचन २०७९ को घोषणापत्र सार्वजनिक गरेको छ ।

चरिकोटमा आयोजित एक कार्यक्रमकाबिच नेपाली काङ्ग्रेसका केन्द्रिय सदस्य अजयबाबु शिवाकोटी, प्रदेश समिती सदस्य अनिता श्रेष्ठ, जिल्ला सभापति बर्मा लामा लगायतले घोषणापत्र सार्वजनिक गर्नुभएको हो । घोषणापत्रमा पालिका तथा वडा स्तरमा अधिकार सम्पन्न योजना आयोग निर्माण, जिल्लामा विश्वविद्यालय स्थापना, विमानस्थल निर्माण, स्नातक उत्तिर्ण बेरोजगार युवालाई स्वरोजगार, सुत्केरी भत्ता वितरण गर्ने लगायतका योजनाहरु उल्लेख गरिएको छ ।

सत्तारुढ गठबन्धनबाट निर्वाचन लड्न लागेको भएपनि काङ्ग्रेसले  एकलौटी रुपमा काङ्ग्रेस नेता केशवराज चौलागाँईको संयोजकत्वमा घोषणापत्र लेखन समिति बनाएर घोषणा पत्र तयार गरेको हो ।

यसैबिच सोहि कार्यक्रममा भीमेश्वर नगरपालिका गठबन्धनका नगर प्रमुख पदका उम्मेद्वार इश्वरनारायण मानन्धर र उपप्रमुख पदका उम्मेद्वार संगीता पाख्रिनको संकल्प पत्र पनि सार्वजनिक गरिएको छ ।