दोलखा
विनिता शिवाकोटी

जिरी नगरपालिका दोलखा उप मेयर पदकी उम्मेदवार कृष्णमाया बुढाथोकीले सुन्दर र सम्बृद्ध नगरपालिका बनाउने अठोटका साथ दोस्रो पटक उम्मेरदवारी दिएको बताउनु भएको छ । पहिलो ५ वर्ष सबै नगरवासीको मन जित्न सफल उपमेयर बुढाथोकीले पहिलो कार्यकालमा शुरुवात गरेका अभियानलाई पूर्णता दिन उम्मेरदवारी दिनु भएको बताउनु भएको हो ।
पाँच वर्षको अवधिमा सुशासन,विकास योजनालाई दिगो बनाउने,न्यायिक समितिलाई निष्पक्ष र स्वच्छ निकायको रुपमा स्थापित गर्ने कार्यमा महत्वपूर्ण भूमिका निर्वाह गर्नु भएकी उपमेयर बुढाथोकीले क्लिन जिरी,ग्रिन जिरी र आर्गनिक जिरीको अभियानको थालनी गर्ने काममा ढृढताका साथ अगाडि बढ्नु भएको थियो ।
अवका दिनमा पनि सुन्दर र सम्बृद्ध जिरी निर्माणका लागि सुशासन र पारदर्शीतासंगै महिला,बालबालिका तथा जेष्ठ नागरिक,अपाङ्ता भएका व्यक्ति अनि दलित र पिछडा समूदायको अधिकार सुनिश्चित गर्न प्रतिवद्ध रहेको उद्घोष गर्नु भएको छ ।

राजनैतिक र पारीवारिक पृष्ठभूमी
कृष्णमाया बुढाथोकीको जन्म वि.स. २०२६ सालमा गौरीशंकर गाउँपालिकाको जुगु (तत्कालीन जुँगु गाविस) मा भएको हो । बुबा कृष्ण बहादुर बुढाथोकी र आमा कलावतीकी कान्छी छोरीका रुपमा जन्म लिनु भएको हो । उहाँका एक दिदी र २ भाइहरु हुनुहुन्छ ।
सानै उमेरदेखि सामाजिक अभियानका साथ राजनीतिक आन्दोलनमा सामेल भएर समाज परिवर्तनका लागि प्रतिवद्ध बुढाथोकी वि.सं २०३९ सालमा अनेरास्ववियूको प्रारम्भिक कमिटि सदस्यमा रहेर जिम्मेवारी बहन गर्नु भएको थियो । वि.स.२०४३ सालमा प्रारम्भिक कमिटिको सदस्य हँुदै अनेरास्ववियू जिल्ला कमिटिको कोषाध्यक्षको जिम्मेवारी प्रभावकारी रुपमा वहन गर्नु भएको थियो ।
पञ्चायत कालदेखि नै निक्कै संघर्ष,मेहनत र इमान्दारीताका साथ सांगठनिक नेतृत्व र जिम्मेवारी पूरा गरेकै कारण वि.स. २०४७ सालमा पार्टीको संगठित सदस्य प्राप्त गर्नुभएको थियो । यस पछिका समयमा पार्टीका विभिन्न संगठन र विभागमा बसेर योगदान दिनुभयो ।
पेसागत रुपमा वि.सं २०५१ सालदेखि २०७३ सालसम्म निजि विद्यालयमा शिक्षण गर्नुभएको थियो । यो अवधिमा पार्टीको संगठन विस्तारसँगसँगै सामाजिक गतिविधिमा पनि उत्तिकै अग्रसर भएर लाग्नुभयो ।
राजनितीसगै आफ्नो अध्ययनलाई समेत निरन्तरता दिँर्दै उहाँले मानविकी तर्फ स्नातकोत्तर पुरा गरी शिक्षा शास्त्र तर्फ विएड समेत गर्नु भएको छ ।

उहाँको सागठनिक दक्षता , क्षमता र इमान्दारीताको कदर गर्दै नेकपा एमाले दोलखाले पहिलो स्थानीय तह निर्वाचन वि.सं २०७४ मा जिरी नगरपालिकाको उपप्रमुख पद उम्मेरदवार बनायो । निर्वाचनमा बहुमतका साथ विजय हासिल गरी जनताको सेवामा समर्पित बुढाथोकी दोस्रो कार्यकालका लागि पुनः चुनावी मैदानमा रहनु भएको छ ।
शालीन,शान्त र मिजासिलो स्वभावकी धनी कृष्णमाया बुढाथोकीलाई जिरीको सम्बृद्धिका लागि फेरी पनि उपमेयर पदमामा विजय गराउने नगरबासीको चाहना रहेको पाइएको छ ।