दोलखा —निर्वाचनलाई प्रभावित बनाउन गैर मतदाता प्रवेश गरेको भन्दै दोलखाको तामाकोसी गाउँपालिका–२ झुलेमा स्थानीयले नियन्त्रणमा लिएर प्रहरीलाई बुझाएका छन् ।

आइतबार साँझ ६ वटा मोटसाइकलमा निर्वाचन बिथोल्न आएका गैर मतदाताहरुलाई स्थानीयले नियन्त्रणमा लिएका हुन् । उनीहरुले प्रयोग गरेको ६ वटा मोटसाइकल पनि प्रहरीले नियन्त्रणमा लिएको छ ।

स्थानीयका अनुसार मतदाता त्रसित पार्न र बुथ कब्जा गर्न प्रवेश गरेका युवाहरुलाई प्रहरीले नियन्त्रणमा लिएको जनाएको छ । निर्वाचन बिथोल्न शंकास्पद रुपमा गाउँ प्रवेश गर्न लागेका युवालाई नियन्त्रणमा लिएको दोलखाका प्रहरी नायव उपरीक्षक गंगाप्रसाद पौडेलले बताउनु भयो ।

प्रहरी नायव उपरीक्षक गंगाप्रसाद पौडेलका अनुसार कसले प्रयोग गरेर गैर मतदाता प्रवेश गराएको भन्ने बारेमा अुनुसन्धान भइरहेको छ । निर्वाचन बिथोल्न बाहिरबाट गैर मतादाता युवा प्रवेश गर्न लागेको आशंकामा जिल्लाभरका नाकाहरुमा थप कडाइ गरिएकोे प्रहरीले जनाएको छ ।