दोलखा,बैशाख ३१
हिजो सम्पन्न स्थानीय तहको चुनावमा दोलखामा ६६ दशमलब ०४  प्रतिशत मतदान भएको छ ।
जिल्ला निर्वाचन कार्यालय दोलखाका अनुसार दुई नगरपालिका र ७ गाउँपालिकामा ६६ दशमलब ०४  प्रतिशत मतदान भएको छ । जिल्लाको विगु गाउँपालिकामा सबै भन्दा बढि ७० दशमलब  ७६ प्रतिशत अर्थात कुल मतदाता संख्या १४ हजार चार २३ जना मध्ये  १० हजार २ सय ६ जनाले मतदान गरेका छन् । यस्तै सबै भन्दा कम मेलुङ्ग गाउँपालिकामा ५९ दमलब ९८ प्रतिशत मात्रै मतदान भएको जिल्ला निर्वाचन कार्यालय दोलखाका प्रमुख सकुन्तला राईले जानकारी दिनुभयो ।  पालिकामा १८ हजार १ सय ५३ जना मतदाता मध्ये १० हजार ८ सय ८९ जना मतदातले मात्रै मतदान गरेका छन्  । यस्तै भीमेश्वर नगरपालिकामा ६६ दशमलब ७८ प्रतिशत मतदान भएको छ । नगरमा कुल मतदात २६ हजार ८ सय ३३ जना मध्ये १७ हजार ९ सय १९ जना मतदाताले मात्रै मतदान गरेका छन् । जिरी नगरपालिकामा ६४ दशमलब ४६ प्रतिशतले मतदान गरेका छन् । कुल मतदाता १४ हजार ५८ जना मध्ये ९ हजार ७८ जनाले मतदान गरेका छन् । यस्तै गौरीशंकर गाउँपालिकामा ६३ दशमलब ९७ प्रतिशले मतदान गरेका छन् पालिकामा रहेका कुल मतदाता १५ हजार तिन सय ४१ मध्ये ९ हजार ८ सय १४ जनाले मात्रै मतदान गरेका छन् । कालिञ्चोक गाउँपालिकामा ६९ दशमलब २३ प्रतिशत मतदान भएको छ ।  कुल मतदाता १८ हजार ६ सय ६१ मध्ये १२ हजार ९ सय १९ जनाले मतदान गरेका हुन् ।   तामाकोसी गाउँपालिकामा ६४ दशमलब ४६ प्रतिशत मतदान भएको छ । १५ हजार ८ सय ३५  मतदाता मध्ये १० हजार २ सय सात जनाले मात्रै मतदान गरेका हुन्  । शैलुङ्ग गाउँपालिकामा ६३ दशमलब ८८ प्रतिशत मतदान भएको छ । पालिकामा १९ हजार ३ सय ३० मतदाता मध्ये १२ हजार तिन सय ४८ जनाले मतदान गरेका छन् । यस्तै बैतेश्वर गाउँपालिकामा ७० दशमलब ७४ प्रतिशत मतदान भएको छ । पालिकामा १७ हजार ४ सय ६२ मतदाता मध्ये  १२ हजार तिन सय ५२ जना गरि जिल्लाका १ लाख ६० हजार ९६ जना मतदाता मध्ये १ लाख ५७ हजार ३२ जनाले मतदान गरेको जिल्ला निर्वाचन कार्यालय दोलखाले जनाएको छ ।