दोलखा – दोलखाको शैलुङ गाउँपालिका गठबन्धनका उम्मेदवार लाई पराजित गर्दै नेकपा एमालेकी पार्वती थापा उपाध्यक्षमा विजयी हुनु भएको छ । नेकपा एमालेका उम्मेदवार पार्वती थापाले निकटतम प्रतिस्प्रर्धी गठबन्धनको तर्फबाट नेपाली काङ्ग्रेसका दावा दोर्जे लामालाई ३ सय ९४ मतको अन्तरले पराजित गर्दै विजयी हुनुभएको हो । कार्कीले ५ हजार १ सय ३५ मत प्राप्त गर्नुभएको छ भने पराजित लामाले ४ हजार ७ सय ४१ मत प्राप्त गर्नुभएको छ । गाउँपालिकामा नेकपा माओवादी केन्द्र र नेपाली काँग्रेसको गठबन्धन रहेको थियो । नेकपा माओवादी केन्द्रका रिमालबाबु श्रेष्ठ अध्यक्षमा निर्वाचित हुनु भएको छ ।

राजनैतिक र पारीवारिक पृष्ठभूमी
भीमेश्वर नगरपालिका वडा नं ५ बुस्तीमा जन्मनु भएकी पार्वती कार्कीले वैत्यश्वर मावि नाम्दुबाट प्राथमिक तहको शिक्षा प्राप्त गर्नु भएको थियो । तत्कालीन समयमा स्वर्गीय पशुपति चौलागाईँ र यज्ञराज ढुङ्गेल मार्फत राजनीतिक चेतना जागरण भएको थियो । थापाले राजनीतिक गुरुको रुपमा यी दुइ पात्रलाई स्मरण गनुहुन्छ । बाल्यकालदेखि नै राजनीतिक चेतनाको विकास भएपछि माध्यमिक तह अध्ययनको समयमा पनि प्रत्यक्ष र अप्रत्यक्ष रुपमा अनेरास्ववियूसंग नजिक रहेर भुमिका निर्वाह गरिरहनु भयो ।
माध्यमिक शिक्षा पछि वि.सं २०४६ सालमा वन विज्ञान अध्ययन संस्थान पोखराबाट आइ एस्सी फरेस्टको अध्ययन पुरा गर्नुभयो । वि.सं २०४६ सालको जनआन्दोलनमा पनि विद्यार्थीको तर्फबाट सक्रिय भूमिका निर्वाह गर्नुभयो ।
त्यसपछिका समयमा वि.स. २०५१ सालदेखि ७१ सालसम्म स्वीस सामुदायिक वन परियोजनामा दोलखा रामेछापमा रहेर काम गर्ने अवसर प्राप्त गर्नुभयो । ४ वर्ष केयर नेपालको एकीकृत विकास परियोजना,२ वर्र्ष एन्साफ वायोडाइभरसिटि अन्तरगत उद्यम विकासको क्षेत्रमा,४ वर्ष फुड एण्ड एग्रीकल्चर अर्गनाइजेसन संस्थाको कवुलियतीवन मार्फत विपन्नसंग कार्यक्रम अन्तरगत दोलखा,रामेछाप,काब्रे,सिन्धुली जिल्लामा काम गर्नु भयो । यसै गरी केयर नेपालको कार्यक्रम अन्तरगत बाजुरा,वर्दिया र प्युठान जिल्लामा काम गरेको अनुभव कार्कीसंग छ ।राजनितीसगै आफ्नो अध्ययनलाई समेत निरन्तरता दिँर्दै उहाँले आएससी फरेष्टको अध्ययन पुरा गरी स्नातकसम्मको अध्ययन पूरा समेत गर्नु भएको छ ।
हाल उहाँ जनजाति कल्याण आश्रम आमाको माया छात्रवास रामकोट,दोलखाको कोषाध्यक्षको भूमिकामा रहनु भएको छ भने महिला मानव अधिकार रक्षकहरुको जिल्ला सञ्जाल दोलखाको अध्यक्ष भएर काम गर्नुभएको ।
राजनीतिक रुपमा अनेरास्ववियू प्रारम्भिक कमिटिको सदस्य हुँदै नेकपा एमालेको भगिनी संगठन अनेमसंघको जिल्लासचिवको भूमिका निर्वाह गरिसक्नु भएको छ भने हाल अनेमसंघको वागमती प्रदेश सचिवालय सदस्य र नेकपा एमालेको जिल्ला कमिटि सदस्य भएर काम गरिरहनु भएको छ ।
सामाजिक विकासका क्षेत्रमा लामो अनुभव भएकी पार्वती कार्कीको अनुभव र क्षमतालाई शैलुङ गाउँपालिकको विकासका लागि सदुपयोग गर्न नेकपा एमालेले उपाध्यक्ष पदमा उम्मेदवार बनाएको छ ।
स्वास्थ्यको क्षेत्रमा,विपन्न र पछाडि पारिएको समूदायसम्म पुगेर लामो समय काम गरेको अनुभवकै कारण शैलुङको विकासका लागि महिला स्वास्थ्य पहिलो प्राथमिकतामा राख्ने उद्घोष गर्नु भएको छ । स्वास्थ्य नै पहिलो धन भएकाले महिलाको स्वास्थ्य ंिसङ्गो परिवार र समूदायको स्वास्थ्य भएकोले महिला स्वास्थ्यलाई प्राथमिकतामा राखेर काम गर्ने योजना बनाएको बताउनु भएको छ ।

भर्खरै सम्पन्न स्थानीय तहको निर्वाचनमा शैलुङ गाउँपालिकाको तर्फबाट उपाध्यक्षमा निर्वाचित हुनु भएको छ ।