दोलखा भीमेश्वर नगरपालिकामा नेपाली गठबन्धनका ईश्वर नारायण मानन्धर र नेकपा एमालेकी कमला बस्नेत निर्वाचित हुनु भएको छ । मेयरमा गठबन्धनका ईश्वर मानन्धरले ८ हजार ७ सय २३ मत पाउनु भएको छ भने उहाँका निकटतम प्रत्यासी नेकपा एमालेका हरिवंश चौलागाईले ७ हजार ३ सय १ मत ल्याउनु भएको थियो । मानन्धरले १४ सय २२ मत बढी प्राप्त गर्नु भएको छ ।
त्यस्तै उपमेयरमा नेकपा एमालेकी कमला बस्नेत निर्वाचित हुनु भएको छ । उहाँ निवर्तमान उपमेयर समेत हुनुहुन्थ्यो । उहाँले ७ हजार २ सय ६४ मत प्राप्त गर्दा निकटतम प्रत्यासी गठबन्धन(नेकपा एकीकृत समाजवादी)की संगिता पाख्रिनले ६ हजार ९ सय २१ मत प्राप्त गर्नु भएको थियो । बस्नेत ३ सय ४३ मतले अगाडि हुनु भएको हो ।
जिल्लाका ९ मध्ये ८ स्थानीय तहको परिणाम सार्वजनिक भएको छ । दोलखाको भीमेश्वर नगरपालिका, कालिञ्चोक गाउँपालिका र वैत्यश्वरमा गठवन्धनको तर्फबाट नेपाली काँग्रेसले प्रमुखमा विजय हासिल गरेको छ । दोलखाको जिरी नगरपालिका र मेलुङ गाउँपालिकामा नेकपा एमालेको प्रमुख र उपप्रमुखमा विजय हासिल गरेको छ भने गौरीशंङ्गर र शैलुङ गाउँपालिकामा नेकपा माओवादी केन्द्रले प्रमुखमा विजय प्राप्त गरेका छन् । यता तामाकोशी गाउँपालिकामा नेकपा एकीकृत समाजवादीले प्रमुखमा जित हासिल गरेको छ ।
जिल्लाको विगु गाउँपालिकामा भने मत गणना कार्य अन्तिम चरणमा पुगेको छ ।
भीमेश्वर नगरपालिकाका निर्वाचित वडाध्यक्षहरु
वडा नं १ माधव थामाी – नेपाली काँग्रेस
वडा नं २ स्टालिन श्रेष्ठ – नेकपा एमाले
वडा ३ हरिशरण शिवाकोटी – नेपाली काँग्रेस
वडा नं ४ तारानाथ चौलागाईँ – नेपाली काँग्रेस
वडा नं ५ बासु श्रेष्ठ नेकपा – एमाले
वडा नं ६ नविन लामा – नेकपा एमाले
वडा नं ७ विनोद तमाङ – नेकपा एमाले

वडा नं ८ काजी बुढाथोकी – नेपाली काँग्रेस
वडा नं ९ हिमाल श्रेष्ठ – नेकपा एमाले