दोलखाको विगु गाउपालिकाको अध्यक्षमा गठबन्धनबाट सञ्जिव ओली र उपाध्यक्षमा नेकपा एमालेकी देविका थामी विजयी हुनुभएकोे छ ।
गठबन्धनको तर्फबाट माओवादी केन्द्रबाट उम्मेदवार बनेका सञ्जिव ओलीले नेकपा एमालेका अच्युतम केसीलाई १ सय २७ मत अन्तरले पराजित गर्नुभएको हो ।
ओलीले ४१ सय मत प्राप्त गर्नुभएको हो भने उहाँका प्रतिद्धन्द्धी केसीले ३९ सय ७३ मत प्राप्त गर्नुभएको हो ।
त्यस्तै गरी उपाध्यक्षमा नेकपा एमालेकी देविका थामीले नेपाली काग्रेसका आङनिमा शेर्पालाई १ सय ७७ मत अन्तरले पराजित गर्नुभएको छ ।
थामीले ४ हजार १३ मत प्राप्त गर्नुभएको छ भने शेर्पाले ३८ सय ३६ मत प्राप्त गर्नुभएको हो ।
विगु गाउपालिका संगै दोलखामा ९ वटै स्थानीय तहको मत गणना सम्पन्न भएको छ ।
दोलखाको ७४ वटा वडा मध्ये नेपाली काग्रेसले २५ वटा, नेकपा एमालेले २४ वटा, नेकपा माओवादी केन्द्रले २१ , एकिकृत समाजवादीले २ वटा र २ स्वतन्त्रले निर्वाचन जितेका हुन ।