दोलखामा ७ जना उपप्रमुखसहित १५४ जना महिला निर्वाचित भएका छन् । ९ स्थानीय तह रहेको दोलखामा ५ जना नेकपा एमालेको तर्फबाट र २ जना नेपाली काँग्रेसको तर्फबाट विजय भएका हुन् ।
नेकपा एमालेको तर्फबाट विजयी हुनेमा भीमेश्वर नगरपालिकामा कमला बस्नेत,जिरी नगरपालिकामा कृष्ण कुमारी बुढाथोकी,शैलुङ गाउँपालिकामा पार्वती कार्की,मेलुङ गाउँपालिका गायत्री आचार्य र विगुमा देविका थामी गठबन्धनसंग कडा प्रतिस्पर्धाका साथ विजयी भएका हुन् ।
तामाकोशी गाउँपालिकामा सिर्जना सुवेदी र वैत्यश्वर गाउँपालिकामा कल्पना उप्रेती नेपाली काँग्रेसको तर्फबाट उपाध्यक्षमा विजयी भएका छन् । यसै गरी ७४ वडा रहेको दोलखामा ७४ जना महिला सदस्य र ७३ जना दलित महिला सदस्य गरी जम्मा १ सय ५४ जना महिला निर्वाचित भएको निर्वाचन कार्यालय दोलखाले जनाएको छ ।
दोलखाको गौरीशंकर र कालिञ्चोक गाउँपालिकामा भने गठबन्धन कै अध्यक्ष र उपाध्यक्ष विजयी भएका छन् । जहाँ दुवै पदमा पुरुषको उम्मेरदवारी भएका कारण महिलाको प्रतिनिधित्व भएको छैन् ।
स्थानीय तह निर्वाचन २०७४ पनि गठवन्धनले जितेका २ पालिका वैत्यश्वर र विगुमा दुबै पदमा पुरुषको प्रतिनिधित्व रहेको थियो ।