विद्यार्थीलाई मतदानको प्रक्रियाका विषयमा जानकारी दिन बस्नेत एकेडेमिक ईङ्गलिस बोर्डिङ स्कूलमा नमुना मतदान सम्पन्न भएको छ । कालिञ्चोक गाउँपालिका ३ सिंगटीमा रहेको उक्त विद्यालयमा विद्यार्थीलाई मतदान गर्न सिकाउनुका साथै स्कुल पेसिडेन्ट छनौट गर्ने उद्देश्यले निर्वाचनको आयोजना गरेको स्कुलका सञ्चालक बसन्त बस्नेतले जानकारी दिनु भयो ।

निर्वाचनबाट विद्यालयका कक्षा ३ देखि ८ सम्मका १ सय ५० जना विद्यार्थीले मतदान गरी प्रेसिडेन्ट र सहायक प्रेसिडेन्ट छानेका थिए ।
निर्वाचनबाट कक्षा ८ का युकेस कार्की प्रेसिडेन्ट र छात्रा महिमा श्रेष्ठ भाइस प्रेसिडेन्ट एक वर्षको लागि छनोट भएका छन् । यसैबीच सदन प्रमुख पनि एक वर्षका लागि छनोट भएका छन् ।

विद्यार्थीहरुले चुनावी प्रक्रिया, उम्मेदवार छनौट प्रक्रिया,उम्मेदार मनोनयन,दावी विरोध, मतपत्र र मतदान प्रक्रियाद्वारा स्वस्तिक छाप हाल्ने प्रजातान्त्रिक शैलीको ज्ञान समेत पाएको विद्यालयले जनाएको छ ।
विद्यालयका सीसीए संयोजक कृष्ण धामी र पाल्देन तामाङले निर्वाचन कार्यक््रmमको संयोजन गर्नु भएको थियो ।
कार्यक्रममा विद्यालयका प्रिन्सिपल राजु शर्माले किताबी ज्ञानले मात्र शिक्षा सार्थक नहुने तथा व्यावहारिक र प्रयोगात्मक ज्ञानबाट मात्र शिक्षा प्राप्त हुने बताउँदै विजय विद्यार्थीलाई बधाई तथा शुभकामना व्यक्त गर्दै सम्मान गर्नु भएको थियो ।

विगत २९ वर्षदेखि दोलखाको उत्तरी बजार सिंगटीबाट शैक्षिक सेवा प्रदान गर्दै आएको बस्नेत एकेडेमीको आपनै सुविधा सम्पन्न भवन निजी भवन रहेको छ भने व्यवस्थित छात्रवासको व्यवस्था समेत भएको जनाएको छ । विद्यालयले वस सेवा समेत सञ्चालन गरेको छ ।