सवारी दुर्घटनामा परी दोलखामा एक युवकको मृत्यु

3 वर्ष अगाडि | समदृष्टि अनलाइन संवाददाता

चरिकोट जिरी सडक अन्तरगत भीमेश्वर नगरपालिका ४ गौरीशंकर बालगृह नजिकै टाटा योद्धाले ठक्कर दिँदा मोटरसाइकल चालकको मृत्यु भएको छ । मोटसाइकलमा सवार एक जना घाइते भएका छन् ।
आइतबार बिहान ३–०१०२४ च ५९१९ नम्बरको टाटा योद्धाले ठक्कर दिँदा विपरीत दिशाबाट आइरहेको बा ७५ प ४५२१ नम्बरको मोरसाइकललाई ठक्कर दिँदा भीमेश्वर नगरपालिका ४ जिलुका ३३ वर्षीय उमेश श्रेष्ठको मृत्यु भएको प्रहरीले जनाएको छ । मोटरसाइकलमा सवार उनकी श्रीमती ३१ वर्षीया सञ्जिता श्रेष्ठ घाइते भएकी छन् । उनको चरिकोटमा रहेको पशुपति चौलागाईं स्मृति प्रदेश अस्पतालमा उपचार भइरहेको प्रहरीले जानकारी दिएको छ । चालक विगु गाउँपालिका ६ आलम्पुका यमबहादुर थामीलाई प्रहरीले नियन्त्रणमा लिएको छ ।