४ असार २०७९
उज्यालो भविष्य संस्था दोलखाको चौथो वार्षिक साधारण सभाको अवसरमा पत्रकार दिपक बस्नेत पुरस्कृत हुनु भएको छ । कालिञ्चोक सन्देश साप्ताहिकका सम्पादक एवं सामुदायिक रेडियो प्रशारक संघ जिल्ला समन्वय समिति दोलखाका अध्यक्ष समेत रहनु भएका बस्नेत नागरिक सचेतता पत्रकारिता पुरस्कार २०७९ बाट पुरस्कृत हुनु भएको हो ।
कार्यक्रममा समाजसेवा नायक पुरस्कार २०७९ बाट भीमेश्वर नगरपालिका वडा नं ३ का वडाध्यक्ष हरिशरण शिवाकोटी र उत्कृष्ट स्वास्थ्यकर्मी पत्रकारिता पुरस्कारबाट स्वास्थ्यकर्मी डाक्टर देवेन्द्र गौतम पुरस्कृत हुनु भएको संस्थाले जनाएको छ ।
भीमेश्वर नगरपालिका नगरप्रमुख ईश्वर नारायण मानन्धरको प्रमुख आतिथ्यतामा सम्पन्न कार्यक्रममा गौरीशंकर बालगृहका बालबालिकाहरुलाइ खेलकुदका सामग्री वितरणसंगै जेष्ठ नागरिकहरुलाई सम्मान गरिएको संस्थाका अध्यक्ष राजन बस्नेतले बताउनु भयो ।

साधारण सभाले पुनःराजन बस्नेतको अध्यक्षतामा १३ सदस्यीय कार्यसमिति गठन गरेको छ । समितिको वरिष्ठ उपाध्यक्षमा कृष्ण कुमार जोशी,उपाध्यक्ष लक्ष्मी थापा,महासचिव निर्जला आर्चाय,सचिव सुजना श्रेष्ठ र कोषाध्यक्षमा सकुन बस्नेत चयन हुनु भएको छ । सदस्यहरुमा भरत श्रेष्ठ,शुशिला श्रेष्ठ,ईश्वर वि.क,शैलु क्षेत्री,अविता बस्नेत र प्रकाश बस्नेत चयन हुनु भएको छ ।

कार्यक्रममा नगर प्रमुख ईश्वर नारायण मानन्धर, प्रेस काउन्सिल नेपाल सदस्य चिरञ्जीवी मास्के , नेपाल पत्रकार महासंघ दोलखा शाखा अध्यक्ष दीपशङ्कर चौलागाईं , नेपाल प्रहरी दोलखाका प्रहरी निरीक्षक राजेश सिग्देल , नेपाल रेड्क्रस सोसाइटी दोलखा शाखा अध्यक्ष गोकर्ण प्रसाद पोखरेल , नागरिक अधिकारकर्मी कृष्ण बहादुर बस्नेत,उद्योग वाणिज्य संघ दोलखाका कोषाध्यक्ष अनिता श्रेष्ठ , नेपाल पत्रकार महासंघ दोलखाका पूर्व अध्यक्ष जीवन लामा, नेपाल बाल संगठनका अध्यक्ष राम प्रसाद सापकोटा ,राष्ट्रिय युवा परिषद दोलखाका अध्यक्ष भरत रोहन श्रेष्ठ ,अधिवक्ता सुब्बा श्रेष्ठ ,अधिकारकर्मी सिर्जना कार्की ,स्थानीय रेडियोका प्रमुख तथा प्रतिनिधिको उपस्थिति रहेको थियो ।