जिल्ला सहकारी संघ दोलखा नेपालकै उत्कृष्ट सहकारी बन्न सफल

2 वर्ष अगाडि | समदृष्टि अनलाइन संवाददाता

जिल्ला सहकारी संघ दोलखा नेपालकै उत्कृष्ट सहकारी पुरस्कारबाट पुरस्कृत भएको छ । सहकारी संस्थाहरुको प्रवद्र्धृन तथा संस्थागत विकासमा उल्लेखनीय भूमिका निर्वाह गरेको भन्दै राष्ट्रिय सहकारी संघ लिमिटेड नेपालले जिल्ला संघ दोलखालाई पुरस्कार प्रदान गरेको हो ।
एक सयांै अन्तराष्ट्रिय सहकारी दिवसको अवसरमा जिल्ला सहकारी संघ दोलखालाई देशकै उत्कृट सहकारी पुरस्कार २०७८ बाट २५ हजार नगदसहित पुरस्कृत हुन सफल भएको छ ।

शनिबार काठमाण्डौंमा आयोजित एक कार्यक्रमका बीच भूमी व्यवस्था,सहकारी तथा गरीबि निवारण मन्त्री शशी श्रेष्ठले जिल्ला जिल्ला सहकारी संघ दोलखाका अध्यक्ष हेमन्त चौलागाँईलाई पुरस्कार प्रदान गर्नुभएको जिल्ला सहकारी संघ दोलखाका व्यवस्थापक अनिल दाहालले जानकारी दिनुभयो ।
राष्ट्रिय सहकारी दिवस–२०७८ को अवसरमा २०७८ चैत्र २० गते घोषणा भएको पुरस्कार अन्तर्राष्ट्रिय सहकारी दिवसको दिन वितरण गरिएको हो ।