प्रमुख प्रशासकीय अधिकृत मान बहादुर खड्का उत्कृष्ट अवार्ड जित्न सफल

2 वर्ष अगाडि | समदृष्टि अनलाइन संवाददाता

भीमेश्वर नगरपालिका दोलखाका प्रमुख प्रशासकीय अधिकृत मान बहादुर खड्काले उत्कृष्ट अवार्ड जित्न सफल हुनु भएको छ । कर्मचारीको नविन सोच÷इनोभेटिभ आईडिया प्रस्तुतिका लागि प्रतिभा डबली अन्तिम चरणको छनोटमा देशभरबाट खड्का दोस्रो उत्कृष्ट कर्मचारीमा छनौट हुनु भएको हो ।
मंगलबार संघीय मामिला तथा सामान्य प्रशासन मन्त्रालयद्धारा आयोजित कार्यक्रममा प्रमुख प्रशासकीय अधिकृत खड्कालाई नगद पुरस्कार चालिस हजारसहित पुरस्कृत गरिएको थियो ।

दोलखा तामाकोशी गाउँपालिका च्यामा निवासी खड्का विगत ३ वर्षदेखि भीमेश्वर नगरपालिकाको प्रमुख प्रशासकीय अधिकृतको भूमिकामा रहदै आउनु भएको छ । जिल्लावासी खड्का सबै नागरिकको नजरमा सालीन,मिलनसार र सरल प्रशासकको रुपमा चिनिँदै आउनु भएको छ । खड्काको मित्रवत व्यवहारका कारण अवार्ड जितेको समाचार संगै सामाजिक सञ्जालहरु उहाँको प्रशंसासहितको बधाई तथा शुभकामनाले भरिएका छन् ।