०७९ साउन ३

दोलखामा कोरोना संक्रमितको संख्या बढ्न थालेको छ । स्वास्थ्य कार्यालय दोलखाका अनुसार पछिल्लो समय दोलखामा ४ जनामा कोरोना संक्रमण पुष्टि भएको हो ।
जिल्लाको जिरी नगरपालिकाको र वैत्यश्वर नगरपालिकाका १५ जनाको एन्टिजेन परीक्षण गरिएको थियो । जसमध्ये जिरी नगरपालिकाका १ महिला र १ पुरुष र वैत्यश्वरका २ महिला रहेका छन् ।
यसैबीच स्वास्थ्य तथा जनसंख्या मन्त्रालयका अनुसार २४ घण्टामा ४५७ कोरोनाका नयाँ संक्रमित थपिएका छन्। २ दिनमै संक्रमितको संख्या दोब्बर देखिन्छ । आइतबार संक्रमितको संख्या जम्मा १३५ रहेको थियो । साथै मृत्यु संख्या पनि थपिन थालेको छ । ४ महिनापछि आइतबार एक जनाको कोरोनाबाट मृत्यु भएको थियो । त्यस्तै सोमबार पनि कोरोनाबाट १ जनाको मृत्यु भएको छ । कुल २ हजार ३४१ र २ हजार ३१० कुल ४ हजार ६५१ परीक्षणमा ३८६ पीसीआर तथा ७१ जना एन्टिजेनमा परीक्षणबाट संक्रमित पुष्टि भएका हुन् । संक्रमित थपिएसँगै सक्रिय संक्रमितको संख्या १७७६ पुगेको छ ।