जिल्ला स्तरीय महिला अधिकार मञ्च दोलखाको छैटौ जिल्ला अधिवेशन दोलखा सदरमुकाम चरिकोटमा सम्पन्न भएको छ । अधिवेशनले पुनःमेनुका सुवेदीको अध्यक्षतामा ११ सदस्यीय मञ्च गठन गरेको हो ।

जिल्ला स्तरीय महिला अधिकार मञ्च दोलखाको उपाध्यक्षमा गोमा दाहाल, सचिव सुजता शिवाकोटी, सहसचिव राधा चापागाई, कोषाध्यक्ष उषा थापा, सदस्यहरुमा बुथी नेपाली, शोभा पोखरेल, विन्दु गुरुङ, पुष्पा जिरेल, देवी खतिवडा, कुमारी थामी चयन भएको महिला अधिकार मञ्च दोलखाले जनाएको छ ।

भीमेश्वर नगरपालिकाकी उपप्रमुख कमला बस्नेतको प्रमुख आतिथ्यतामा भएको कार्यक्रममा मेलुङ गाउँपालिकाकी उपाध्यक्ष गायत्री आर्चाय,विगु गाउँपालिका उपाध्यक्ष देविका थामी,राष्ट्रिय महिला अधिकार मञ्चकी सदस्य सविना केसी लगायतले कार्यक्रमलाई सम्बोधन गर्नुभएको थियो ।
कार्यक्रममा हुराडेक नेपाल दोलखाका अध्यक्ष उद्धव प्रसाद पोखरेल,आवाज नेपाल दोलखाकी अध्यक्ष एवं अधिकारकर्मी सिर्जना कार्कीले कार्यक्रममा शुभकामना व्यक्त गर्नु भएको थियो ।

२०६५ सालमा स्थापना भएको महिला अधिकार मञ्चले महिला अधिकारको क्षेत्रमा काम गर्दै आएको छ ।