दोलखाका किसानहरुले यसवर्ष रासयनिक मल विना नै खेती गर्न बाध्य भएका छन ।
खेत रोपेर गोडने बेला हुदासम्म मल नपाएपछि जिल्लाका अधिकाश कृषकले यसवर्ष रासयनिक मल बिना नै खेती गरेका हुन ।
धान,मकै र कोदोमा रासयनिक मलको आवश्यकता भएपनि मल अभावमा किसानले खेती लगाइरहेका हुन ।
समयमै पानी परेकाले धान उत्पादन बढनेमा आशावादी बनेका कृषक मल बिनाको उत्पादन गतिलो नहुनेमा चिन्तित बनेका हुन ।

मल हाल्न नपाएपछि मकै पहेलिएको छ भने धान उत्पादन घटने भएको छ । रासयनिक मलको भरमा हरेक वर्ष खेती गदै आएका कृषक गाईवस्तुको मलको समेत अभाव रहेको बताउछन ।

रासयनिक मल नपाएपछि मकै बालीमा पनि मल नहालेका यहाँका किसान धानखेतीका लागी नभई नहुने रासयनिक मल बिना नै खेती गर्न बाध्य भएका हुन ।
दोलखामा कृषि सहकारीले मल ल्याउने भएपनि कति मल जिल्ला भित्रियो भन्ने एकिन तथ्याङक छैन ।
बल्ल ÷बल्ल पाए कालोबजारी गरी १२ सय बोराको मल २५ सयमा तौल भन्दा कम पाइने किसानहरुको दुखेसो छ ।
दोलखामा २ हजार ९ सय १ हेक्टर क्षेत्रफलमा धान खेती हुदै आएको छ भने करिब ५ हजार ३ सय ८७ हेक्टर क्षेत्रफलमा मकै खेती हुदै आएको कृषि ज्ञान केन्द्र रामेछापले जनाएको छ ।