जिल्ला सहकारी संघ दोलखा ३० औं वर्षमा प्रवेश गरेको छ । संघले ३० औं स्थापना दिवसको अवसरमा समीक्षात्मक कार्यक्रमको आयोजना गरेको छ । जिल्ला समन्वय समिति दोलखाका प्रमुख बर्जुराम घतानीको प्रमुख आतिथ्यतामा सम्पन्न कार्यक्रममा सहकारीको आगामी योजनाका विषयमा छलफल गरिएको जिल्ला सहकारी संघ दोलखाले जनाएको छ ।

कार्यक्रममा वागमती प्रदेश वचत तथा ऋण सहकारी संघका महासचिव जिवसराज खड्काले सहकारीको वर्तमान अवस्था र चुनौतिका विषयमा विचार व्यक्त गर्नुभयो । यसैबीच जिल्ला सहकारी संघका अध्यक्ष हेमन्त चौलागाँईले संघले गरेका काम, भावी योजना र सहकारी अभियानका बारेमा जानकारी गराउनु भएको थियो ।। संघले सदस्य संस्थाहरुको संस्थागत विकास, संस्थाका सञ्चालक तथा कर्मचारीहरुको क्षमता विकास लगायत सहकारी अभियानको प्रवद्र्धनका लागि निरन्तर रुपमा काम गर्दै आएको र सहकारीको साख बढाउन महत्वपूर्ण भूमिका खेलेको धारणा राख्नुभयो ।

। कार्यक्रममा जिल्ला सहकारी संघका पदाधिकारी,सहकारीकर्मी लगायतको सहभागिता रहेको थियो । दोलखामा ४ सय ३५ वटा सहकारी संस्थाहरु आवद्ध रहेका छन् । २०५० साल भाद्र ४ गते स्थापना भएको जिल्ला सहकारी संघ, दोलखा जिल्लाका सहकारीहरुको छाता संघ हो । यो संघ नेपालै उत्कृष्ट र नमुना संघको रुपमा परिचित छ ।
जिल्ला सहकारी संघ, दोलखाले उत्कृष्ट सहकारी पुरस्कार(२०७८ बाट पुरस्कृत समेत भएको छ ।