ढुङगाले लागेर दोलखामा एक युवकको मृत्यु

2 वर्ष अगाडि | समदृष्टि अनलाइन संवाददाता

दोलखाको गौरीशंकर गाउपालिका स्थित सासा हाइड्रोपावरमा कार्यरत एक कामदारको ढुङगाले लागी मृत्यु भएको छ भने १ जना घाइते भएका छन ।
सोलुखुम्बु लिखुपिकेका २२ वर्षिया पेम्बा छिरिङ शेर्पाको हाइड्रोपावर भित्र जाने क्रममा माथीबाट खसेर लागेको ढुङगाले मृत्यु भएको हो ।
दोलखाको गौरीशंकर गाउपालिका वडा नम्बर ५ खानिगाउ स्थित निर्माणधिन सासा हाइड्रोपावरको सुरुङ भित्र काम गर्ने मेशिनमा जाने क्रममा माथी बाट खसेको ढुङगाले लागेर शेर्पाको घटनास्थलमा नै मृत्यु भएको जिल्ला प्रहरी कार्यलय दोलखाका प्रहरी निरीक्षक राजेश सिग्देलले बताउनुभयो ।
ढुङगाले लागेर सोलुखुम्बु खुम्बुपासाङका २० वर्षिया फुर्वा ग्याल्जेन शेर्पा घाइते भएका छन । घाइते शेर्पाको सिंगटी स्थित रोल्वालिङ सामुदायिक अस्पतालमा उपचार भइरहेको छ ।