परोपकार महिला सहकारी संस्थाले वित्तीय साक्षरता तथा सदस्य शिक्षा शिविर कार्यक्रम आयोजना गरेको छ ।
पहिलो चरणको कार्यक्रम अन्तरगत भीमेश्वर नगरपालिका वडा नं २ स्थित तिखातलमा कार्यक्रम सम्पन्न गरेको हो ।
सहकारीका शेयर सदस्यलाई आम्दानी,खर्च ,वचत,ऋण,विमा तथा विप्रेषण सेवा लगायतका विषयमा जानकारी गराउने उदेश्यले कार्यक्रमको आयोजना गरिएको संस्थाकी अध्यक्ष सर्मिला सापकोटाले बताउनु भयो ।

कार्यक्रमको सहजीकरण संस्थाकी अध्यक्ष शर्मिला सापकोटा र कोषाध्यक्ष भवानी खड्काले गर्नु भएको थियो । शिविर कार्यक्रममा संस्थाका १३ जना सदस्यको सहभागिता रहेको थियो । कार्यक्रमको अवसरमा नयाँ सदस्य समेत वितरण गरिएको सहकारीले जनाएको छ ।
कार्यक्रममा परोपकार महिला सहकारी सञ्चालक सदस्य सुनिता पोखरेल,ऋण समिति सदस्य शान्ति नेपाल,लघुवित्त उप–समिति सदस्य देवकी खड्का र वरिष्ठ सहायक चण्डिका घिमिरे,ऋण समिति सदस्य शान्ति नेपालको सहभागिता रहेको थियो ।