हाम्रो जनकल्याण सहकारी शैलुङ सञ्चार सहकारी संस्था बीच एकीकरण घोषणा सभा सम्पन भएको छ । हाम्रो जनकल्याण सहकारी संस्थााको २५ औ वार्षिक साधारण सभाको अवसरमा दुई संस्था बीच एकीकरण घोषणा गरिएको हो
वि.सं २०६४ सालमा स्थापना भएको शैलुङ सञ्चार सहकारी संस्थाले समाजिक सचेतनाका लागि दोलखा सदरमुकाम चरिकोटमा रेडियो शैलुङ सामुदायिक एफ.एम समेत सञ्चालन गर्दै आएको थियो ।
दोलखा जिल्लाभर कार्यक्षेत्र रहेको शैलुङ सञ्चार सहकारी सस्थाको मुख्य उद्देश्य सञ्चार क्षेत्रमा काम गर्ने रहेको थियो । ३ सय ४७ जना शेयर सदस्य रहेको सञ्चार सहकारी हाम्रो जनकल्याण बचत तथा ऋण सहकारी संस्थासंग एकीकरण गर्ने निर्णय २०७७ सालमा भएको थियो । बैठकको निर्णय अनुसार प्रक्रिया पूरा गरी हाम्रो जनकल्याण सहकारीको २५ औ साधारण सभाको अवसर पारेर एकीकरणको घोषणा गरिएको सहकारीले जनाएको छ ।
भीमेश्वर नगरपालिकाका नगर ईश्वर नारायण मानन्धरको प्रमुख आतिथ्यतामा सम्पन्न वार्षिक साधारण सभा संस्थाका सचिव मान बहादुर केसीले संस्थाको प्रगति प्रतिवेदन प्रस्तुत गर्नुभएको थियो भने कोषाध्यक्ष अर्जुन कार्कीले आर्थिक प्रतिवेदन प्रस्तुत गर्नुभएको थियो । कार्यक्रममा शैलुङ सञ्चार सहकारी संस्थाको तर्फबाट संस्थाकी कोषाध्यक्ष सर्मिला बुढाथोकीले आर्थिक प्रतिवेदन प्रस्तुत गर्नु भएको थियो ।
कार्यक्रममा भीमेश्वर नगरपालिकाका नगर प्रमुख ईश्वर नारायण मानन्धर,शैलुङ सञ्चार सहकारी संस्थाका अध्यक्ष एवं राजनीतिज्ञ शिव प्रसाद भण्डारी,मेलुङ गाउँपालिकाका अध्यक्ष हिरा कुमार थोकर,नेपाल पत्रकार महासंघ दोलखा शाखाका अध्यक्ष दीपशंकर चौलागाईँ लगायतले सभालाई सम्बोधन गर्नु भएको थियो ।