प्रतिनिधिसभा र प्रदेश सभा सदस्य निर्वाचनका लागि दोलखामा १७ स्वतन्त्रसहित ५३ जनाको उम्मेरदवारी परेको छ ।
आईतबार साँझ सम्पन्न मनोनयन दर्तामा विभिन्न राजनीतिक दल र स्वतन्त्रतर्फका गरी ५३ जनाको उम्मेद्वारी दर्ता भएको मुख्य निर्वाचन अधिकृतको कार्यालयले जनाएको छ । मुख्य निर्वाचन अधिकृतको कार्यालयका अनुसार एक मात्र निर्वाचन क्षेत्र रहेको प्रतिनिधि सभा सदस्यका लागि ७ स्वतन्त्र सहित २१ जनाको उम्मेरदवारी परेको छ भने २ निर्वाचन क्षेत्र रहेको प्रदेश सभामा १२ स्वतन्त्रसहित ३२ जनाले मनोनयन दर्ता गराएका छन् । प्रदेश नं १ मा १९ जना र प्रदेश नं २ मा १३ जनाको मनोनयन दर्ता भएको हो । प्रदेश नं १ मा ८ जना र प्रदेश नं २ मा ४ जना स्वतन्त्र रहेका छन् ।

प्रतिनिधि सभा सदस्यका लागि नेकपा एमालेका बालकृष्ण शिवाकोटी,गठवन्धनको तर्फबाट गंगा कार्की विश्व,राष्ट्रिय प्रजातन्त्र पार्टीका विजय खड्का, नेपाल मजदुर किसान पार्टीका गोपाल बहादुर शिवाकोटी,राष्ट्रिय स्वतन्त्र पार्टीका जगधीश खरेल,जनता समाजवादी पार्टी नेपाल, दावा शेर्पा, नागरिक उन्मुक्ति पार्टीबाट .शुक्र तामाङले मनोनयन दर्ता गराएका छन् ।
यसैगरी विश्वनीति प्रकाशमानसिंह पाख्रिनले हाम्रो नेपाली पार्टी, कुमार तामाङ मंगोल नेशनल अर्र्गनाईजेसन, मिन बहादुर श्रेष्ठ नवराजले राष्ट्रिय प्रजातन्त्र पार्टी, नेपाल, .खिम बहादुर शिवाकोटी – नेपाल कम्युनिष्ट पार्टी (माक्र्सवादी लेनिनवादी), लोक बहादुर खड्का नेपाली काङ्ग्रेस (वि.पी), जनार्दन पोखरेल जनसमाजवादी पार्टी, नेपाल, गोपाल नेपाली लोकतान्त्रिक समाजवादी पार्टी, नेपालबाट उम्मेरदवारी दर्ता गराएका छन् ।
जिल्लाबाट प्रतिनिधि सभा सदस्यका लागि ७ जनाको स्वतन्त्र उम्मेरदवारी परेको छ । स्वतन्त्र उम्मेरदवारहरु जीवनाथ शिवाकोटी,वद्री दहाल,ठाकुर बहादुर बुढाथोकी,वीर बहादुर कार्की र राम बहादुर सुवेदी,भवेन्द्र कार्की,टंक बहादुर कार्की रहेका छन् ।

दोलखामा १ जना प्रतिनिधि सभा सदस्यका लागि २१ जना र २ जना प्रदेश सभा सदस्यका लागि ३२ जनाको उम्मेरदवारी परेको हो ।