चरिकोट, १ कात्तिक
आगामी मंसिर ४ मा हुने प्रतिनिधि सभा र प्रदेश सभाको निर्वाचन नजिकिदै गर्दा नेकपा एमाले दोलखाका नेताहरुले चुनावी प्रचार प्रसारको अभियानलाई तिव्रता दिएका छन् । चु्नावी अभियानकै क्रममा प्रतिनिधी सभाका उम्मेदवार वालकृष्ण शिवाकोटीले जिल्लाको भिमेश्वर नगरपालिकामा घरदैलो अभियानलाई निरन्तरता दिनु भएको छ ।

यसै क्रममा आज विहान भीमेश्वर नगरपालिकाको थामी वस्तीमा पुगेर उम्मेदवार शिवाकोटीले थामी समुदायका अगुवासँग अन्तरक्रिया गर्नु भयो । थामी समुदायको वाक्लो वस्ती रहेको भीमेश्वर नगरपालिकाको वडा नं। १ मा रहेको लामानागीमा उम्मेदवार शिवाकोटीले अन्तरक्रिया गर्नु भएको हो । अन्तरक्रियाका क्रममा थामी समुदायका समस्याका बारेमा छलफल भएको छ । थामी समुदायका अगुवाहरुले शिवाकोटीलाई जितको अग्रिम शुभकामना दिँदै थामी समुदायको हितमा काम गर्न सुझाएका छन् ।

घरदैलोका क्रममा थामी समुदायका अगुवाहरुले थामी समुदाको ऐतिहासिक स्थल राङराङथलीको विकासको काममा एमालेको स्थानीय सरकार हुँदा वजेट विनियोजन भई ऐतिहासिक संग्रहालाय समेत निर्माण भएको र अहिले एमालेको सरकार नुहँदा बजेट विनियोजन नभएको गुनासो पोखेका थिए । साथै थामी गाउँमा रहेको विद्यालयमा आवश्यक शिक्षक दरवन्दि थप गर्नका लागि समेत थामी अगुवाहरुले आग्रह गरेका छन् । घरदैलोका क्रममा थामी वस्ती सम्म पुग्ने स्थानीय सडकको अवस्था सुधारका लागि ध्यान दिन अनुरोध गरेका छन् ।

उम्मेदवार शिवाकोटीले एमालेको विजयमा मात्र थामी समुदायको हित हुने हुनाले सूृय चिन्हमा मतदान गरी एमालेका सबै उम्मेदवार जिताउनुपर्ने घरदैलोका क्रममा वताउनुभएको पत्रकार फुर्वा तामाङले जानकारी दिनुभयो ।