कृषिबाट नै मनग्य आम्दानी गदै आएका दोलखा कात्तिकेका कृषक धान उत्पादन नभएपछि चिन्तित बनेका छन । धेरै उत्पादन हुने आशले रैथाने धान मासेर हाइव्रिड धान लगाउदै आएका कृषकको धानमा भुस मात्र भएपछि यसवर्ष घाटा व्यहोर्न बाध्य भएका छन
दोलखा कात्तिकेका कृषकलाई यतिबेला धान थन्काउने चटारो भएपनि धान उत्पादन नभएपछि चिन्तित बनेका छन ।
धान पाकेर थन्काउने बेला भएपनि वाला नलागेर दोलखा भिमेश्वर नगरपालिका वडा नम्बर ५ कात्तिकेका कृषक चिन्तित बनेका छन ।
रैथाने धानलाई विस्थापित गदै पायनियर जातको हाइव्रिड धान लगाएका कृषकले यसवर्ष उत्पादनमा घाटा व्यहोरेका छन ।

कृषिबाट नै जिविकोपार्जन गदै आएका यस क्षेत्रका करिब २५ घरधुरीका कृषकले लगाएको धान खेतीमा पराल मात्र रहेको छ ।

एउटा खेतबाट ३० मुरी धान उत्पादन गदै आएका यस क्षेत्रका कृषकले यसवर्ष ७ मुरी मात्र धान थन्काउन पाएका हुन ।

धान रोप्ने बेलादेखी गोडने बेलासम्म रासयनिक मल नपाएका कारण पनि उत्पादनमा हस आएको कृषकहरुको गुनासो छ ।

धान उत्पादन गरी बिक्री वितरण गदै आएका यस क्षेत्रका कृषकहरुले यसवर्ष धान बिक्री गर्न समेत नपाउने भएका छन ।
गतवर्ष धान बिक्रीबाट नै मनग्य आम्दानी गरेका कृषकलाई यसवर्ष घरमा खान समेत नपुग्ने भएको कृषकहरुको गुनासो छ ।

कृषिमा नै आत्मनिर्भर रहेका यस क्षेत्रका कृषक स्थानीय सरकारलाई यसतर्फ चासो दिन आग्रह समेत गरेका छन ।