चरिकोट, १६ कार्तिक
आगामी मंसिर ४ गते हुने प्रतिनधि सभा र प्रदेश सभा निर्वाचनलाई लक्षित गरी नेकपा एमाले दोलखाले टिकटक मार्फत प्रचार प्रचार गर्ने भएको छ ।
सामाजिक सञ्जाल मार्फत चुनावी प्रचार प्रचारका लागि नेकपा एमाले दोलखाले तयार पारेको आधिकारिक चुनावी गीतमा टिकटक निर्माण गरी सहभागिता जनाउन नेकपा एमाले दोलखाले सबैलाई अनुरोध गरेको छ ।

नेकपा एमाले दोलखाले आमागी कातिक १८ गते सदरमुकाम चरिकोटमा आयोजना गर्ने प्रचार कार्यक्रमको शुभारम्भ समारोहमा आधिकारिक प्रचार गीत सार्वजनिक भए पछि सोही गीतमा टिकटक बनाई सामाजिक सञ्जालमा पोष्ट अनुरोध गरिएको नेकपा एमाले दोलखाका उपाध्यक्ष एवं भीमेश्वर नगरपालिकाका चुनावी कमाण्डर राजेन्द्र मानन्धरले जानकारी दिनु भयो ।

सबै भन्दा राम्रो र उत्कृष्ट टिकटक बनाउनेलाई विशेष सम्मान गरिने नेकपा एमाले दोलखाले जनाएको छ । यसै बिच नेकपा दोलखाले यही कातिक १८ गते शुक्रबारबाट आधिकारिक रुपमा प्रचार अभियान सुरु गर्ने भएको छ । हाल घरदैलो भेटघाटमा केन्द्रित रहेको दोलखा एमालेले शुक्रबारबाट जिल्लाभर आक्रामक रुपमा चुनावी सभा लगायतका प्रचार अभियान सञ्चालन गर्ने भएको छ ।