मतदातालाई कुटपिट गरी बुथ कब्जा गरेर एकलौटी भोट हाल्दा पनि दोलखाको प्रहरी र प्रशासन मौन बसेको नेकपा एमाले दोलखाले जनाएको छ । सत्ताको आडमा दोलखाका प्रमुख जिल्ला अधिकारी भोजराज खतिवडा र प्रहरी नायव उपरीक्षक गंगा पौडेलेको प्रत्यक्ष मिलेमतो र योजनामा जिल्लामा बुथ कब्जा भएको आरोप लगाएको हो ।

नेकपा एमाले दोलखाले आज पत्रकार सम्मेलन गदै बुथ कब्जा भई मतपत्र छरिएको , एकलौटी भोट हालिएको दृश्य र तस्वीरहरु सार्वजनिक हुदा पनि सुरक्षा प्रमुखहरुलाई सबै ठिक छ भनी प्रजिअ खतिवडा र डिएसपी पौडेलले आफनो पदीय अधिकार दुरुपयोग गदै झुटो विवरण पठाएको एमालले आरोप लगाएको छ ।संवेदनशील बुथहरुमा गठबन्धनको तर्फबाट सिफारिश गरिएका मतदान अधिकृत खटाउने कामको सेटिङ भई संवेदनशील अधिकाश बुथहरुमा प्रनाउ पौडेलले गठबन्धनका उम्मेदवारले आदेश दिएको आधारमा प्रहरी इन्चार्ज खटाइएको नेकपा एमालेद्धारा जारी विज्ञप्तीमा उल्लेख छ ।

दोलखाको भुषाफेदा, कालिञ्चोक, भेडपुको जुकेपानी, बैत्यश्वर गाउपालिकाको १,३ र ६ को बुथ कब्जा हुदा समेत प्रहरी प्रशासन मौन बसेको विज्ञप्तीमा उल्लेख छ । गठबन्धनको उम्मेदवारले नेतृत्व गरी मतदानस्थलमा ढुंगामुढा गर्दा नेपाली सेना , मतदाता घाइते भई सुरक्षाकर्मी चढेको गाडी तोडफोड हुदा समेत तामाकोशीको जामुने हेल्थपोष्ट, कालापानी, मालुको निर्वाचन जारी राख्न प्रजिअ खतिवडाले आदेश दिएको विज्ञप्तीमा बताइएको छ ।

बुथकव्जा, ढुंगामुडा र गुण्डागर्दीको घटनाका बारेमा मुख्य निर्वाचन अधिकृतलाई सवै जानकारी भएपनि सो घटनामा कुनै निर्णय नलिई मौनता साँधेको एमालेको आरोप छ । एमालेले बुथ कव्जा भएका मतदान केन्द्रमा पुनः मतदान गराउन माग पनि गरेको छ भने अवैध निर्वाचन गराउने कार्यमा स.लग्न भनिएकाहरुलाई तत्काल कारबाही गर्न माग समेत गरेको छ ।