नेकपा एमालेकी नेता उर्मिला थामी माथि गठबन्धनका कार्यकर्ताले गरेको दुव्र्यवहारप्रति अखिल नेपाल महिला संघ दोलखाले खेद प्रकट गरेको छ । नेकपा एमाले प्रदेश कमिटि सदस्य एवं अखिल नेपाल महिला संघ केन्द्रिय सदस्य उर्मिला थामीलाई मतदान स्थलमा गठवन्धनका कार्यकर्ताले गरेको दुव्र्यवहारप्रति गम्भीर ध्यानाकर्षण भएको जनाएको हो ।
मंसिर ४ गते निर्वाचनकै क्रममा गौरीशंकर गाउँपालिका २ सेतीदेवी प्राथमिक विद्यालयमा नेता थामीलाई गठबन्धनका कार्यकर्ताले अभद्र व्यवहार गरेको अनेमसंघ दोलखाकी अध्यक्ष कमला बस्नेतले हस्ताक्षर गरेको विज्ञप्तिमा उल्लेख गरेको छ । विज्ञप्तिमा भनिएको छ,“जनताको मताधिकार प्रयोग गर्ने मतदान स्थलमा एक महिलामाथि गठबन्धनका कार्यकर्ताले घोत्रयाउने,हुत्याउने र लछारपछार पार्दा समेत प्रहरी प्रशासन मुकदर्शक बनेर हे¥यो ।”
विज्ञप्तीमा उल्लेख गरे अनुसार असामाजिक र अमर्यादित कार्यमा प्रहरी प्रशासनले प्रोत्साहन गरेको आरोप छ । निर्वाचन सम्पन्न भएपछि पनि नेतृ थामीको घर घेर्ने,ज्यान मार्ने धम्की दिने र आतङ्कित बनाउने कार्य नरोकिएको भन्दै यस्ता घटनाको अनेमसंघ घोर भत्र्सना गर्दछ, भनिएको छ ।
गठबन्धनले बुथ कब्जा गर्ने उद्देश्यसहित मतदातालाई त्रसित पार्दै महिला नेतृ उर्मिला थामी माथि भएको आक्रमणप्रति गम्भीर ध्यानाकर्षण भएको भन्दै अपराधिक गतिविधिमा संलग्न सबैलाई कानुनी दायरामा ल्याउन माग गरेको छ ।
एमाले नेतृ थामीलाई गठबन्धनका कार्यकर्ताले गरेको दुव्र्यवहारको भिडियो सामाजिक सञ्जालमा फैलिएपछि अनेमसंघ दोलखाले विज्ञप्ति मार्फत ध्यानाकर्षण भएको जनाएको छ ।