नेकपा एमाले दोलखाले कब्जा भएको बुथमा पुन निर्वाचन गराई दोलखाली जनतालाई मताधिकारबाट वञ्चित नगर्न माग गरेको छ ।
नेकपा एमाले विहिबार एक विज्ञप्ती जारी गदै बुथ कब्जा गैरराजनितिक क्रियाकलाप विरुद्ध अभियान जारी राख्ने भन्दै १३ बुदे रणनितिक योजना सार्वजनिक गरेको हो ।
बुथ कब्जा गराउन सहयोग गर्ने, कानुनी प्रक्रिया मिलाइदिने र निर्वाचनको क्रममा सबै ठिक छ भनेर झुठा विवरण दिई बुथ कब्जा गर्न संघाउने अधिकृतलाई जनमत खोस्ने मतियार घोषित गदै तथ्य प्रमाण सहित उनीहरु विरुद्ध मुद्धा दायर गर्ने विज्ञप्तीमा उल्लेख छ ।
त्यस्तै संवेदनशील बुथमा मतदान अधिकृतहरु सेटिङ र भनसुनमा खटाइएको भन्ने कुराको खोजी गर्ने नेकपा एमाले दोलखाले जनाएको छ ।
नेकपा एमालेका कार्यवाहक अध्यक्ष राजेन्द्र मानन्धरद्धारा हस्ताक्षरित विज्ञप्तीमा मतदान स्थलमा प्रलोभन र सेटिङमा संलग्न भै कर्तव्य निर्वाह नगरी बुथ कब्जालाई सघाउने सुरक्षाकर्मीहरुको सबुत प्रमाणको आधारमा निर्वाचनद्रोही घोषणा गरी जनतामाझ सार्वजनिक गर्ने उल्लेख गरिएको छ ।
मंसिर ४ गते कब्जा गरिएको बुथको विषयमा निर्वाचन आयोगको निर्णयलाई कुर्ने नेकपा एमाले दोलखाले जनाएको छ ।