दोलखामा मंसिर १५गते  हुने  पुनः मतदानमा सुरक्षा व्यवस्था कडा पारिएको छ । मंसिर ४ गतेको निर्वाचनमा बुथ कब्जा भएका बुथमा अवरोध सिर्जना हुन नदिन सुरक्षा व्यवस्था कडा पारिएको हो ।नेपाली सेना, नेपाल प्रहरी, सशस्त्र प्रहरी बल र म्यादी प्रहरी निर्वाचनसुरक्षाका लागि तैनाथ गरिसकिएको प्रहरीले जनाएको छ ।

निर्वाचनलाईनिष्पक्ष, स्वतन्त्र, भयरहित र विश्वसनीय बनाउन सबै सुरक्षा व्यवस्थाचुस्त पारिएकाले निर्धक्क भएर मतदान गर्न अपिल गरिएको छ ।मत पत्र सहित मतदान अधिकृत र सहायक मतदान अधिकृत सहित कर्मचारीको टोली मतपत्र सहित मतदान केन्द्रहरुहरुमा पुगि सकेका छन् ।

पुनः मतदानमा ४ सय सुरक्षाकर्मी परिचालन गरिएको जिल्ला प्रहरी कार्यालय दोलखाका प्रवक्ता राजेश सिग्देलले बताउनुभयो ।

पुनः मतदानमा यसअघि खटिएका सुरक्षाकर्मी भन्दा तीन गुण बढी सुरक्षाकर्मी परिचालन गरिसकिएको प्रमुख जिल्ला अधिकारी भोजराज खतिवडाले बताउनुभयो । उहाँले पुनः मतदान हुने क्षेत्र पुरै सिल गरिने पनि बताउनुभयो ।निर्वाचनलाई भयरहीत बातावरणमा सम्पन्न गर्न र डर क्रासरहित बनाउन आफ्नोतर्फबाट कुनै कशर बाँकि नराखिएको उहाँको भनाई छ ।

बुथ कब्जा भएका दोलखाको वैत्यश्वर गाउँपालिका ६ का वैत्यश्वर माध्यमिकविद्लाय मतदान केन्द्रको क, ख, ग, वडा नं २ को जनज्योति माध्यमिकविद्यालय पुतली काठका मतदान केन्द्र क र ख, वैत्यश्वर वडा नम्बर ३ कोकालीढुंगा मावि मतदान केन्द्रको क, ख, ग, तामाकोसी गाउँपालिका हेल्थपोस्ट भवन जफे मतदान केन्द्रका क र ख भोली पुनःमतदान हुँदैछ  ।